Almatyda «kóp balaly otbasy» sanaty boıynsha Almatydaǵy komýnaldyq turǵyn úıden, úıge muqtajdar esebinde turǵan azamattarǵa jeńildikti nesıe berý týraly ótinishterdi qabyldaýdy bastaaldy dep jazady Qamshy.kz aqparat agenttigi.

Búgingi kúnde 1276 kópbalaly otbasy kezekte tur. Ótinishter 2019 jylǵy 11 naýryzynan bastap 15 naýryzǵa deıingi bes jumys kúni ishinde qabyldanady. Kópbalaly otbasylar «Baqytty otbasy» baǵdarlamasy sheńberinde turǵyn úı jeńildigin ala alady.

Baǵdarlamaǵa qatysýshylar «Turǵyn úı qurylys jınaq banki» AQ-nan 15 mıllıon teńgege deıin nesıe ala alady, al bastapqy jarna mólsheri jylyna 2% -dan tómen turǵyn úı qunynyń 10% -yn quraıdy.

Negizgi qujattar (jeke kýálik, 2008 jyldan keıin dúnıege kelgen balanyń týý týraly kýáligi, 2008 jyldan keıin bekitilgen neke týraly kýáligi jáne t.b) elektrondy portalda avtomatty túrde jasalady jáne ótinishke qosa beriledi, Qatysýshyǵa kelesi skanerlengen qujattardy ǵana qosý kerek:

1) 2008 jylǵa deıin dúnıege kelgen balanyń týý týraly kýáligi,
2) neke týraly kýáligi (nekeniń buzylǵandyǵy týraly), 2008 jylǵa deıin, joldasynyń/jubaıynyń qaıtys bolǵandyǵy týraly kýálik.
3) Nekede turmaıtyndyǵy týraly notarıaldy bekitilgen aryz.

Ótinishter www.baqytty-otbasy.kz elektrondyq saıty arqyly jiberiledi. Tolyq aqparat alý úshin Almaty qalalyq Turǵyn úı saıasaty Basqarmasyna +7 (727) 225 12 04, +7 (727) 225 14 57, +7 (727) 225 14 44 telefondary arqyly, sondaı- aq «TÚQJB» AQ qoldaýymen tegin baılanys telefony boıynsha 8-8000-801-880 habarlasýǵa bolady.

Usynǵan: Nazerke Labıhan