Kópten kútken kezdesý! Aqtóbede týǵan qyzyn beıtanys kútýshige tastap ketken kelinshek aqyry 4 jyldan soń baýyr eti balasyn izdep keldi. Ana men balanyń kezdesýi qalaı ótti? Qamqorshylyq organ taǵdyry talasqa túsken qyzdy kimge bermekshi? Al búldirshinniń júregi neni qalaıdy? Bul týraly Qamshy.kz aqparat agenttigi habarlaıdy Eýrazıa birinshi arnasynyń deregin negizge ala otyryp. 

Bıylǵy naýryz Ásemgúl úshin erekshe boldy. Ol es bilgeli tuńǵysh ret týǵan anasyn kórdi. Kishkentaı qyz sodan beri ózine qymbat janmen  kezdesýdi asyǵa kútedi eken. Qyzy men anasynyń júzdesken sátin kórgende balalar ortalyǵyndaǵylar da kózderine jas alypty. 

ANARGÚL BASYǴARINA, QIYN JAǴDAIǴA TAP BOLǴAN BALALARDY QOLDAITYN ORTALYQTYŃ PEDAGOG-PSIHOLOGY: 

«Burynǵy kresnaıa mama deıdi ǵoı, baqqan mamasyna barasyń ba desem, ony da jaqsy kórem, biraq, ózimniń týǵan anama baram deıdi.  "İnim bar eken, maǵan uqsaıdy. Men anamdy saǵyndym, anama baramyn, kún sanap, saǵat sanap kútýdemin" deıdi týǵan anasyn tapqanyna qatty qýanǵan qyz.

Anargúl Basyǵarına anasymen júzdeskenge deıin Ásemgúl tek Marıannany aýzynan tastamaıtyn bolsa, qazir ekeýin de jaqsy kóretinin, alaıda, óziniń týǵan anasymen qalǵysy keletinin aıtady deıdi. Osy ýaqyt ishinde balany tárbıelep, baǵyp-qaqqan Marıanna Foteský qyzǵa baýyr basyp qalǵanyn jasyrmady. Ol týǵan anasynan búldirshindi ózine qaldyrýyn surapty. 

MARIANNA FOTESKÝ, QALA TURǴYNY: Tek úıine barǵysy keletinin aıtady. Kimmen qalatynyn Ásemgúl ózi sheshedi

Bes jastaǵy Ásemgúl qazir balalardy qoldaý ortalyǵynda. Astanadan kelgen anasy qyzyn alyp ketýge talpynyp júr eken. Jaǵdaıyn bilýge kúnde baryp turady, oınatady eken. Osy ýaqytqa deıin habar-osharsyz ketkenim joq, túbinde qyzymdy alyp ketem dep Marıanna Foteskýǵa eskertkemin deıdi. 

ÁSEL PİRMANOVA, ÁSEMGÚLDİŃ TÝǴAN ANASY: « Alyp ketemin balany, qalaıda alyp ketemin. qandaı jaǵdaı bolmasyn, jazda alyp ketem dep byltyr ǵana telefonnan sóıleskenbiz. Otbasylyq jaǵdaıyma baılanysty ol ýaqytta alyp kete almadym, ózimniń 4-shi bópemdi bosandym. Biraq  men sóılesip turdym. Mektepke barǵansha daıyndyq kýrsynan ózim baryp alyp ketetindigimdi aıtqanmyn.

Taǵdyry talasqa túsken tıtteı qyzdyń máselesin ári qaraı qamqorshylyq bólimindegiler sheshedi. Arnaıy komısıanyń otyrysy bolyp, sol jerde Ásemgúldiń tárbıesimen kim aınalysatyny belgili bolady. Otyrys beısenbige josparlanyp otyr. 

Usynǵan: Farıza Jomartqyzy