SQO ákimdiginiń otyrysynda tilderdi damytýǵa arnalǵan baǵdarlamanyń júzege asyrylýy talqylandy dep habarlaıdy Qamshy.kz aqparat agenttigi.

Qazirgi tańda oblysta qazaq tilin oqytýǵa arnalǵan kýrstar úlken suranysqa ıe. Eger 2016 jyly tilderdi oqytý ortalyǵynda kýrstardy 2 myń adam támamdasa, qazir ortalyqta 2800 soltústik qazaqstandyq oqýda. Orta deńgeıde oqyp jatqan adamdardyń da sany artýda, 11 den 30 topqa deıin. Baǵdarlamany júzege asyrý kezinde 15 myńnan asa adam «Qaztest» sertıfıkatyna ıe boldy. SQO ákiminiń aıtýynsha, bul jumysqa oblys turǵyndaryn kóptep tartý qajet.

 «Jyl saıy mindetti túrde ósim bolý kerek. Óıtkeni, memleket bul salaǵa kóp qarajat jumsaýda. Tilderdi úırenýge arnaıy mehanızmder jasalǵan», - dedi Qumar Aqsaqalov.

 Sondaı-aq, oblysta qazaq tilinde bilim alyp jatqan oqýshylardyń da sany artýda. Sońǵy jyldary bul kórsetkish 59 paıyzdan 69 % deıin kóbeıdi. Byltyr mektep túlekteriniń 76 paıyzy qazaq tilin V1 deńgeıinde meńgerdi. 2017 jyly bul kórsetkish 70% quraǵan bolatyn.

Usynǵan: Jazıra Baıdaly