Elbasynyń Nur Otan sezinde otyrǵan kreslosy satylymǵa shyqty, dep jazady Qamshy.kz aqparat agenttigi.

Olx.kz saıtynda Elbasynyń 27 aqpanda ótken Nur Otan sezinde otyrǵan kreslosy satylymǵa qoıylǵan. Satylymǵa shyǵarǵan avtordyń aıtýynsha, Elbasy otyrǵan kreslo sáttilik pen tabys alyp keledi eken.

Saıtta kreslony post avtory 1,5 mıllıonǵa baǵalaǵan. Al ózin Aleksandr dep tanystyrǵan jazba avtory ony 15 mıllıonǵa satatynyn aıtady.

«Elbasy otyrǵan jer kıeli bolady», - deıdi avtor. Onyń aıtýynsha, kreslony satyp alǵan adamnyń bıznesi damyp, tabysy artady eken.

Sondaı-aq, satylymǵa shyǵarǵan avtor bul kreslo jaıynda óziniń Twitter jelisindegi paraqshasynda da jazyp qoıypty. Belgili bolǵandaı, Olx.kz saıtynda shyǵarylǵan jarnama ázil retinde bolǵan, ol adamdardyń reaksıasyn tekserip kórmek bolypty.

Endi jazba avtory «Elbasy otyrǵan kreslonyń» shyn máninde ózinde joq ekenine ókinýde, sebebi oǵan qyzyǵýshylyq bildirip, satyp alýǵa nıet bildirgen adamdar jaza bastapty jáne sol kreslo úshin 15 mıllıon teńgesin qıýǵa da daıyn.