2019 jyly Gollıvýdtyń 5 fılmi qazaq tiline dýblájdalady dep habarlaıdy Qamshy.kz aqparat agenttigi kinostan.kz saıtyna silteme jasap.

Atap aıtqanda: "Dambo" 28 naýryzda, "Aladdın" 12 mamyrda, "Oıynshyqtar hıkaıasy 4 / Istorıa ıgrýshek 4" 20 maýsymda, "Arystan patsha / Koról Lev" 19 shildede jáne "Muzdy ólke 2 / Holodnoe serdse 2" 28 qarashada.

Bastamany "Bolashaq" korporatıvtik qory jáne "Meloman" kompanıasy uıymdastyryp otyr. Osyǵan deıin 2011 jyldan beri 27 fılm dýblájdaldy.

Disney fılmderiniń keıipkerlerin qazaqsha sóıletýge Dáýren Serǵazın, Nurlan Álimjanov jáne basqa da otandyq juldyzdar tartylady. 

Jaryq kóretin jobalardyń alǵashqysy - Tıma Bertonnyń "Dambo" ("Dumbo") otbasylyq fentezıi. 1941 jylǵy anımasıalyq týyndynyń kórkem kıno formatyndaǵy remeıki sırkte týǵan qulaǵy úlken pildiń hıkaıasyn baıandaıdy. Fılm premerasy 28 naýryzda.

Al jazda Almatyda qazaqsha dýblájdalǵan fılmderdiń festıvali ótedi. Birneshe kún boıy osy kúnge deıin aýdarylǵan kınojobalardyń barlyǵy kórsetiledi. Festıvaldi ivi.ru onlaın-kınoteatry uıymdastyrady.

Usynǵan: Maqpal Sembaı