Almaty qalalyq soty Denıs Tendi óltirgeni úshin sottalǵan qylmyskerlerdiń appelásıalyq shaǵymyn qaraýǵa kiristi. Bul jaıynda Qamshy.kz aqparat agenttigi Tengrinews.kz saıtynyń deregine súıenip jazady.

Denıs Tendi óltirdi degen aıyppen sottalǵan Arman Qudaıbergenov pen Nuraly Qıasov 18 jylǵa, al olardyń sybaılasy boldy dep aıyptalǵan aıaǵy aýyr Janar Tolybaeva 4 jylǵa bas bostandyǵynan aıyrylǵan bolatyn. Sot úkimi shyqqannan keıin 2 apta ótken soń kináliler appellásıalyq sotqa shaǵym túsirgen.

Janar Tolybaevanyń advokaty Amangeldi Sarıev sotqa is qaǵazyna kýálik berýdi surady. Belgili bolǵandaı, aıyptalýshy Janar Tolybaeva 2019 jyldyń 6 naýryzynda ekinshi sábıin abaqtyda dúnıege ákelipti.

Esterińizge sala keteıik, 2018 jyldyń 19 shildesinde qazaqstandyq mánerlep syrǵanaýshy Denıs Ten avtokóliktiń aınasyn urlaýshylarmen janjaldasyp, nátıjesinde kóz jumǵan bolatyn. Marqumnyń avtokóliginiń aınalaryn Arman Qudaıbergenov pen Nuraly Qıasov sheship alǵan, al olardyń sybaılasy Janar Tolybaeva sol kezde kólikten 7 metr jerde qarap, kúzetip turypty.

Usynǵan: Nazerke Labıhan