Elimizde nekesiz týǵan balaǵa da ákesiniń alıment tólep turýy mindetti bolmaq, dep habarlaıdy Qamshy.kz aqparat agenttigi Kyzylorda-news.kz saıtyna silteme jasap.
Bul týraly Májilis depýtaty Svetlana Bychkova aıtty.
Búgin QR Parlamenti Senaty Áleýmettik-mádenı damý jáne ǵylym komıtetiniń keńeıtilgen otyrysynda balanyń quqyqtaryn qorǵaý máselesi qaraldy.
Jıynda Svetlana Bychkova balanyń quqyqtaryn qorǵaý máselesi jónindegi fýnksıalardy júzege asyratyn uıymdardyń qyzmetine baılanysty máseleler boıynsha ózgerister men tolyqtyrýlar kózdelgen zań jobasyn tanystyrǵan edi.
«2018 jyldyń maýsymynda Konstıtýsıalyq keńeske úndeý joldanyp, onda er-azamatpen nekede turmaǵan analar dúnıege ákelgen balalardyń bul turǵyda quqyqtary shektelgeni kórsetilgen. Eger erkekter olarǵa alıment tólegisi kelmese, onda balalar alımentten qaǵylady. Sondyqtan túptep kelgende ondaı balalar nekedegi áıelderden týǵan balalarmen teńestirilgen edi. Bul rette jaǵdaıǵa baılanysty naqty sharttardy sot aıqyndaıdy», - dedi Májilis depýtaty.
Talqylaý barysynda Neke jáne otbasy týraly kodekstiń 47-babyna tolyqtyrýlar engiziletindigi atalyp ótildi. Atalǵan tolyqtyrýlarda er-azamat nekeden tys týǵan ortaq balalaryn asyraý úshin onyń anasynyń shyǵyndaryn óteıtindigi kózdelgen. Sonymen qatar, dál osy normada sot aqsha qarajatynyń kólemi men tólem merzimdiligin taraptardyń materıaldyq jáne otbasylyq jaǵdaıyna baılanysty aıqyndaıtyndyǵy kórsetilgen.
Usynǵan: Nazerke Labıhan
Pikir qaldyrý