Búginde namazǵa jyǵylyp, táspi tartyp, Alladan tilek tilep otyrǵan qarıalardy, tipti jastardy da jıi kórýge bolady. Al osy táspini qalaı tartý kerektigin, onyń qandaı paıdasy baryn kóbimiz bile bermeımiz. Endeshe, táspiniń qasıeti men paıdasy jóninde tómende jazylǵan keńester arqyly bile júrińizder:
1. Jolyńyz ashylmaı, josparlaryńyz keri aınalyp, qatty ashýǵa býlyqqanda “Sýbhan Allah” dep táspi aýdaryńyz. Táspini ustaǵan adamnyń minezi jaıdarly, sabyrly bolady.
2. Táspi adamnyń qolynda turǵandyqtan ony aýdarǵanda aldymen saýsaqtar qımyldaıdy. Al saýsaǵy jıi qımyldaıtyn adamnyń mıy tynyǵyp, oıy jaqsarady.
3. Ásirese, júrek-qan tamyrlary aýrýyna shaldyqqan adamǵa táspi aýdarǵannyń paıdasy zor. Saýsaqtyń jıi qımyldaýynan adam aǵzasyndaǵy qan aınalymy jaqsaryp, júrek qan tamyrlarynyń jumysy retke keltiriledi.
4. Basbarmaq mıdyń jumysyn jaqsartady. Suq saýsaqtyń jıi qımyldaýy ish aýrýlaryn basady. Ortańǵy saýsaq qımyly asqazan-ishek joldaryn jaqsartady. Tórtinshi saýsaqtyń jıi qımylda bolǵany baýyrǵa jaqsy kómektesedi. Al kishkentaı saýsaqtyń qımyly júrekke jaqsy áser etedi.
5. Qatty syrqattanyp, mazasyzdanǵanda táspini eki qolyńyzǵa alyp aýdarsańyz, kóńil-kúıińiz jaqsara túsedi.
6. Qoly nemese saýsaǵy shyǵyp ketken, synǵan adamdar táspini jıi aýdaratyn bolsa, zaqymdanǵan jeri tez arada iske qosylady.
7. Úlken kisilermen nemese basshylarmen sóıleserde qobaljıtyn bolsańyz, qolyńyzǵa táspi ustap, ony aýdaryp otyryńyz. Bul sizdiń oıyńyzdy tynyshtandyryp, oryndy sóıleýińizge yqpal etedi.
8. Táspi aýdaryp otyrǵan adam kóz tıýden saqtanady. Óıtkeni bóten adamdar onyń boıyndaǵy erekshelikterine emes, qolyndaǵy táspisine nazar aýdarady.
Usynǵan: Nazerke Labıhan
Pikir qaldyrý