Almaty qalasynyń tótenshe jaǵdaılar departamenti 3 balany órtten qutqarǵan batyrǵa qurmet kórsetti, dep habarlaıdy Qamshy.kz aqparat agenttigi Almaty qalasy TJD baspasóz qyzmetine silteme jasap.

Marapattaý rásimine Qazaqstan Respýblıkasy QM Radıoelektronıka jáne baılanys áskerı-ınjenerlik ınstıtýty oqý ortalyǵynyń qyzmetkerleri qatysty. Adam ómirin qutqarýda kórsetken batyldyǵy úshin Nurqanat Muratuly Dúısen «Tótenshe jaǵdaıdaǵy erligi úshin» medalimen marapattaldy. Qazaqstan Respýblıkasy ishki ister mınıstriniń atynan Almaty qalasy tótenshe jaǵdaılar departamentiniń bastyǵy, órt sóndirý qyzmeti general-maıory Serik Áýbákirov Nurqanatqa atalǵan marapatty saltanatty túrde tabys etti. Serik Ǵabdoluly jalǵyz ózi janyp jatqan úıdegi úsh balany ot jalynnan aman-esen alyp shyqqan Nurqanat Dúısenniń kásibı taǵylymdamadan ótýine, sondaı-aq oǵan erekshe jaǵdaılarda árqashan daıyn bolýǵa úıretken komandırlerine alǵys aıtty.

Órt 2019 jylǵy 11 naýryz kúni saǵat 18:00-de Almaty qalasynyń Jetisý aýdanyndaǵy Birinshi maı kóshesinde ornalasqan jataqhanada boldy.

Órt sóndirý brıgadalaryna kelgenge deıin atalǵan úıdiń janynan ótip bara jatqan Nurqanat Dúısen terezeden aıqaılaǵan daýysty estip, tez arada kómekke umtylǵan bolatyn.

Eske sala keteıik, taıaýda Nurqanatty Qorǵanys mınıstrligi de marapattaǵan bolatyn.  

Usynǵan: Maqpal Sembaı