30 jasqa tolǵan Nurjan Kermenbaev jyl basynda dúrkiretip toı jasamaq bolǵan. Sondaı-aq, ánshi memlekettik marapatyn “jýyp”, kishi ulynyń tusaýyn kestirýdi kózdegen. Alaıda Nur-Sultan qalasynda tirideı órtenip ketken 5 qyzdyń oqıǵasyn estigen kezde Kermenbaev bul oıynan bas tartqan. 

Bul týraly Stan.kz saıty jazdy dep habarlaıdy Qamshy.kz aqparat agenttigi.

Nurjannyń otbasymen birge Malaızıa elinde júrgen kezi. Bir aptadan elge qaıtpaq bolǵan ánshi shaqyrý tizimin de daıarlap qoıypty. Sózine qaraǵanda, 300-ge jýyq adamnyń basym bóligi – óner juldyzdary. 

“Aǵaıyndarǵa keıin bólek jasaımyz dep sheshtik. Ónerdegi aǵa-ápkelerime dastarhan jaıaıyn dep sheshtim. Malaızıadan elge ushyp keletin kezde elimizde qaraly oqıǵa boldy. Ózderińiz bilesizder, 5 bala tirideı órtenip ketti. Sol oqıǵadan keıin pikirlerdi kórdim, el-jurt qaıǵyryp, ashýly bolyp turǵan kezde toı jasasam, kináli bolyp qalatynymdy sezdim. Sondyqtan ol toıdy birden toqtattym. Orynsyz bolady dedim. Toılar áli alda”, – dep aǵynan jaryldy Nurjan.

Nurjannyń ózi 17 aqpan kúni 30 jasqa tolsa, kenjesi Omar 18 aqpan kúni 1 jasqa qadam basqan. Sondaı-aq, Kermenbaev Qazaqstannyń qurmetti azamaty ataǵyn alǵan.

“30 jasymdy jasamasam da, marapatymdy toılamasam da, ulymynyń tusaýyn kestim. Perishteniń jolyn bógemeıin dedim”, – deıdi ánshi.

Kermenbaev ózinen keıin jarysa týǵan kúnderin toılaǵan áriptesterin kinálaýdan aýlaq ekenin de jetkizdi. 
“Menen keıin týǵan kún ıeleri turdy. Qaırat Nurtas, Aıqyn bar. Jasasa, ol kisilerdiń óz jaýapkershiliginde. Olardy kinálamaımyn. Bul jerde sútten aq, sýdan taza bolyp kóringim kelmeıdi”, – deıdi ol. 

Usynǵan: Gúlim Jaqan