Nur-Sultan qalasynyń ákimi Baqyt Sultanov pen QR Densaýlyq saqtaý mınıstri Eljan Birtanov iri jol apatynan zardap shekkenderdiń jaǵdaıyn bilýge bardy dep habarlaıdy Qamshy.kz aqparat agenttigi Tengrinews.kz saıtynyń deregin negizge ala otyryp.

Baqyt Sultanov pen Eljan Birtanov qaladaǵy №2 aýrýhanadaǵy jol apatynan zardap shekkenderdiń jaǵdaıyn bilýge bardy.

Klınıkanyń bas dárigeri Ivan Lıdiń sózine qaraǵanda, aýrýhanada qazirdiń ózinde jol apatynan zardap shekken 13 adam túsken: olardyń segizi ortasha aýyrlyq dárejede. Zardap shekkkender qazir travmatologıalyq bólimde jatyr. Ekeýi hırýrgıa bóliminde, al úsheýi jansaqtaý bóliminde. 

"Keshe biz aýyr halde jaraqat alǵandarǵa  bes operasıa jasadyq. Bul óte kúrdeli operasıa boldy. Sondaı-aq  jol apatynan úlken jaraqat alǵan áıelge ampýtasıa jasaldy. Ókinishke oraı, onyń aıaǵyn saqtap qalý múmkin bolmady." - deıdi Lı.

Dáriger naýqastardyń  keıbireýi 7-10 kún ishinde emdelip shyǵatynyn atap ótti.

Eske sala keteıik, 26 naýryzda Nur-Sultan qalasynda Uly Dala men Qabanbaı kósheleriniń qıylysynda úsh avtobýs soqtyǵysyp, eki adam qaza tapqan bolatyn.

Aýdarǵan: Farıza Jomartqyzy