Almatynyń 11 jastaǵy turǵyny Adelına Muhametjanova Open International Auditions 2020 atty baıqaýǵa arnaıy shaqyrtý aldy dep jazady Qamshy.kz aqparat agenttigi zakon.kz saıtynyń deregin negizge alyp. 

Adelına naýryz merekesiniń qarsańyndaǵy "Festival & Contest" atty baıqaý kezinde ıtalıalyqtardy tańdaı qaqtyrǵan. Adelınanyń ónerine tánti bolǵan ıtalıalyqtar 2020 jyly 30-31 naýryzda Melatesta teatrynda ótetin baıqaýǵa qatysýǵa shaqyrdy. 

— Biz úshin jáne klasıkalyq vokalmen aınalysa bastaǵan oryndaýshy úshin mundaı baıqaýǵa shaqyrtý alý úlken baqyt. Balalarǵa arnalǵan baıqaýlar kóp emes. Al halyqaralyq deńgeıdegi ustazdardan sabaq alýdyń ózi qazyna tárizdi. Adelına klasıkany jaqsy kóredi jáne aldaǵy baıqaýǵa bar yntasymen daıyndalatyn bolady, - deıdi Adelınanyń anasy Neılá Sýjenova.

Adelına Muhametjanova Elena Obrazsovanyń baıqaýynda Nıkolaıa Sıskarıdzeniń arnaıy syılyǵyna ıe bolǵan. Ol — Italıada ótken SanremoJunior 2018 baıqaýynyń jeńimpazy. Endi 11 jastaǵy qyz Italıada ótetin baıqaýǵa daıyndalyp jatyr. 

Aýdarǵan: Ásel Bolatqyzy