Bir elde bir "Myrza" bar taırańdaǵan
Eliniń erteńi úshin oılanbaǵan
Tabany tıgen jerdi oırandaǵan
Eshqashan ádildikpen saılanbaǵan

Bir elde bir "Myrza" bar qala salǵysh
Tarıhty qoldan jasap ala salǵysh
Jan bolsa aǵat ketken jerin aıtqan
Aıamaı abaqtyǵa sala salǵysh

Bir elde bir "Myrza" bar toı toılaǵysh
Óz-ózine tamsanyp paı-paılaǵysh
Oraıy kelmese de urandatyp
Mańaıy atyn aıtyp aıqaılaǵysh

Bir elde bir "Myrza" bar qajymaǵan
Týysy ury-qary, ýáziri aram
Julyp jeýdi jumysqa aınaldyrǵan
Ultyna qudaı bergen qazynadan

Bir elde bir "Myrza" bar aqyn,batyr
Eshkimniń dáti jetpes qatýǵa til
Paıdaǵa ólshemi joq batyp jatyr
Sebebi Elin Jerin satyp jatyr

Bir elde bir "Myrza" bar saraıy kóp
Saraılarda qol súıgish malaıy kóp
Jalpynyń súıiktisi kóringenmen
Halqynyń ońalatyn oraıy joq

Bir elde bir "Myrza" bar tósek qumar
Alý men kóbeıtýden esep qurar
Óziniń qorasynda turmasa eger
At túgili paraqtyda esek qylar

Bir elde bir "Myrza" bar kózi júırik
Barshaǵa árbir aıtqan sózi buıryq
Ol kisiniń atymen qatar qoıyp
Allanyń ataǵynyń ózi "shırik"

Myrza joq eshbir elde ǵajap mundaı
Momyn jurtyn tozdyrǵan qajyp tynbaı
Jaratqanym sol bir eldi mazaq qylmaı
Meıirimsiz myrzasynan azat qylǵaı.

Rınat Zaıytov