Qazaqstan Prezıdenti Qasym-Jomart Toqaev ákimderge áleýmettik jelilerde jumys isteýdi tapsyrdy dep habarlaıdy Qamshy.kz aqparat agenttigi Aqorda saıtyna silteme jasap.

"Biz úshin qarapaıym halyqtyń áleýmettik jaǵdaıyn bilý jáne der kezinde áreket etý óte mańyzdy. Ákimder halyqtyń suranystaryna jedel den qoıyp, túsindirý jumystaryn júrgizýi tıis. Áleýmettik jelilerde belsendi jumys isteý mańyzdylyǵy: messendjerlerde toptar quryp, júrgizilip jatqan saıasatty túsindirý, jaǵdaıdy jetildirý jáne basqarý. Halyqpen keri baılanys barlyq jerde ornaǵan joq, 17 ákimdikten barlyǵy tórt baılanys koll-ortalyǵy bar, al mobıldi halyq baqylaýy - 7 óńirde ǵana", - dedi Toqaev Nur-sultan, Almaty jáne Shymkent qalalarynyń ákimderimen ótken keńeste.

Onyń aıtýynsha, halyqpen kezdesýlerde konstrýktıv dıalog qurý kóptegen problemalyq máselelerdi tıisti deńgeıde sheshe alatynyn kórsetti.

"Bul azamattardyń bılik ınstıtýttaryna degen senimin arttyrady. Óńir ákimderi esep berý kezdesýlerinde ǵana emes, sonymen qatar turaqty negizde adamdarmen kezdesip, barlyq eldi mekendi aralap shyǵýy tıis. Qoǵamnyń qazirgi damý kezeńinde júrgizilip jatqan reformalar men iske asyrylyp jatqan memlekettik saıasattyń mánin naqty jáne qoljetimdi jetkize bilý árbir jetekshige ajyramas talap. Keıde eń saýatty maman qarapaıym jáne qoljetimdi tilde sóıleı almaıtynyn ózderińiz kórip otyrsyzdar", - dep tolyqtyrdy Qasym-Jomart Toqaev.

Prezıdent memlekettik basqarý akademıasynyń bazasynda tıisti kýrstardy engizýdi jáne olarǵa halyqpen belsendi ózara is-qımyl jasaıtyn barlyq sheneýnikterdi jiberýdi tapsyrdy.

"Ákimderge halyqpen ózara is-qımyldyń jańa formatyna kóshýdi tapsyramyn. Óńir basshylyǵynyń azamattarmen jeke baılanysy óte mańyzdy. Bul barlyq deńgeıdegi ákimderge qatysty, aýyldaǵy ákimderden oblys ákimderine deıin", - dedi Memleket basshysy.

Usynǵan: Farıza Jomartqyzy