Bolǵan oqıǵa izimen...
Osydan 7-8 jyl buryn dıplomymdy alyp, aýylda 35 myńǵa máz bolyp jumys jasap júrgen kezim edi. Bizdiń aýyldyń tabıǵaty keremet bolǵandyqtan týrıser, fotograftar kóp keletin. Sondaı fotograftardyń biri Almatydan bizge jıi kelýshi edi. Basynda orys ulty dep oılap júrgenmin, keıin evreı ekenin bildim. Jaıshylyqta olar basqa elde ómir súrgendikten "evreımin" dep japanǵa jar salyp aıta bermeıdi. Kóbinde "papa ıýrıst, mama vrach" dep tike qoıylǵan suraqtarǵa tolyq jaýap bermeı, aınylyp ótip ketedi. Ózi óte aýqatty. Qazaqstanda IT salasyndaǵy alpaýyt kopmanıanyń basshysy boldy. Sol kelgen saıyn meni árbir qyrymen tańqaldyryp otyratyn. Baıqaǵanym, ózi foto ónerin jaqsy kóredi, onyń fotoaparaty jáne taǵy basqa da prıborlary mılıon dollar shamasynda turatyn. Ózim de azdap foto ónerine qyzyqqandyqtan 80 myń teńgege kredıtke fotoaparat satyp alyp, ózimshe bir peızajdar túsiretinmin. Sodan da bolsa kerek, álgi evreı meniń alys aýylda turyp az aılyǵyma qaramasta,n kredıtke fotoaparat alyp sýretke túsirip júrgenime rıza bolyp biraz ózine jaqyn tartty. Foto óneri de jáı sala emes eken. Jaqsy fotalar myńnan biri ǵana bolady deıdi. Sol úshin únemi ol fotoǵa birden túsirmeı aýa raıyn, kúnniń bultty bolǵanyn, kúnniń shyǵýy men batýyn kútetin. Men jol kórsetýshimin. Basqa kezde otyryp sháı iship, neshe túrli áńgimeler aıtatynbyz. Sondaı kúnderdiń birinde ol meniń jeke ómirim men aılyǵym týraly surap, jaǵdaıymdy kórip jany ashysa kerek meni óziniń kompanıasyna jumysqa shaqyrdy. Qoıylatyn talaptaryn da aıtty. Eń bastysy, birinshi seni oqytam, úıretem, sodan soń ǵana jumys jasaısyń dep qyzyqtyrdy. Usynysy men úshin keremet bolsa da, bala kúngi arman: oqysam, áke shesheme kómektessem, týǵan jerge úles qossam degen maqsattarym esime oralyp, oılanbastan bas tarttym. Ol da ań tań bolyp qaldy. Oǵan meniń ómirim, arman-maqsattarym, beıshara adamnyń oıyndaı kóringenin birden uqtym. Sodan ózimdi aqtamaq bolyp "men úshin aqsha mańyzdy emes, eń bastysy, týǵan jerimde jumys jasap júrmin" dep rıza adamdaı keıip tanyttym. Shyndyǵynda, rasymen beıshara edim. Ol tereń bir oılanyp aldy da, meni kóndirmek bolyp óziniń mysaldaryn úıip tókti. Sóziniń astaryna qarasam, meniń bilimimdi, túsinigimdi pysqyryp turǵan joq. Aqyry ekeýimiz qyzbalanyp aıtysa bastadyq. Aıtqanynyń bári durys bolsa da, men de qasarysyp óz aıtqanymnan qaıtpadym. Sosyn ol óziniń búr kún buryn anasy syrqattanyp, sol úshin jáı ǵana 1000 dolarǵa dári alǵanyn aıtyp "erteń sen shesheń aýyrsa dárisine seniń aılyǵyń jete me, sen anańdy 35000-ǵa emdete alasyń ba?" degende jańaǵy qyzbalyǵym qaıtyp, ne derimdi bilmeı tereń kúrsinip qaldym. Rasynda ondaı jaǵdaı oryn alsa, meniń qarjylyq máselem qıyn edi. Meniń úndemeı qalǵanymdy kórip, ol da asyqpaı óziniń aqyl keńesterin aıta bastady. "Eń birinshi, bilim máselesi dedi seni oqytqandar ózderi aqshaǵa oqyǵandar sen solardan bilim aldyń jáne ol júıe jalǵasyn taba beredi, qashan toqtaýy áli belgisiz. Men seni túsinem, sen qazaqsyń, óz elińde kógerip kóktegiń keledi, biraq saǵan ol múmkin emes, eger shynaıy tabysqa qol jetkizgiń kelse, Eýropaǵa bar, onda adam qundylyqtary, tabysy jaqsy baǵalanady, ózi bilgen adamǵa jol ashyq" - dep meni tipten oılandyryp tastady.
Keıin ekýimiz tatýlasyp "biraq sen men usynǵan jumystan bas tartqanyń ókinishti. Bizdiń kompanıaǵa kirgisi keletinder myńdap júr, biraq men seni ózim shaqyrdym, al sen bas tarttyń. Óziń bil!" dep qaıtyp ketti.
Men sol, aýyldaǵy kúıbeń tirligimdi istep júre berdim, tyndyrǵan isim de shamaly. Aqyry bes jyl jumys istep, eshteńe ózgermeıtinine kózim jetken soń "qosh bol, aýyl" dep qalaǵa taıyp turdym... Qalada ne isteımin, álgi evreıime baraıyn desem, sasyq namys jibermeıdi. Eldegi krızıs barlyq salaǵa áser etti. Keıin 2 jyldan soń álgi evreıimnen habar almaqshy bolyp shopyryna habarlastym. Sóıtsem, ol kompanıasyn orynbasaryna tegin syılap, ózi Praga qalasyna kóship ketipti. Ózim qatty tańqaldym, óıtkeni jyldyq aqsha aınalymy mıllıard bolatyn kompanıany kim tastap ketedi? Bizde solaı ǵoı, oıyma "bireý tartyp alǵan shyǵar" degen oı saq ete qaldy. Keıin shopyrynan surasam "eshkim tartyp alǵan joq, krızıs bizge de áser etti, klıentter azaıdy, jumys ta azaıǵan soń bastyq bar dúnıesin jumysshylarǵa úlestirip, kompanıany orynbasaryna tegin syılap ketti" - dedi.
Sodan oıymdy qorytqanym, "Jaqsy elden ekonomıkasy turaqty bolsa adamdar nege kóshedi? Sonda bizdiń bolashaǵymyz bulyńǵyr ma? Jaqsy ómir tek Eýropada ma?" degen suraqtar jıi mazalaıtyn boldy. Kez kelgen damyǵan memleket eń birinshi adamdardyń áleýmettik máselesin kóteredi, ekonımaksyn turaqtaıdy jáne qorǵanys qabiletin kúsheıtedi. Oılap qarasam, qazirgi bizdegi asyra silteý, kóz boıaýshylyq, bir adamdy shamadan tys maqtaı berý jaqsylyqqa aparmasy sózsiz...
Aıbek Zamanaıdyń Facebook paraqshasynan alyndy
Usynǵan: Nazerke Labıhan
