Qyzylorda oblysynyń Jalaǵash aýdanynda apatqa ushyraǵan Mı-8 tikushaǵynda 13 adamnyń bári de qaza tapty  dep málimdedi Qamshy.kz aqparat agenttigi QR Qorǵanys mınıstrliginiń baspasóz qyzmetine silteme jasap.

«2019 jyldyń 27 naýryzda QR Qarýly kúshteriniiń ÁKQ áskerı-áýe kúshteriniń tikushaǵy apatqa ushyrady. Aldyn ala málimet boıynsha, oqıǵa ornynda kóz jumǵandar bar. Kóz jumǵandar men zardap shekkenderdiń sany men jaǵdaıy anyqtalý ústinde», - delingen mınıstrliktiń habarlamasynda.

Mınıstrliktiń habarlaýynsha, atalmysh tikushaq 4 birdeı áskerı tikushaq quramynan turatyn bólimmen birge Aqtaý qalasynan Shymkentke ushyp bara jatqan. Ushý sapary arnaıy bólimshelerdiń «Altyn jebe» keshendi oqý jáne jattyǵý aıasynda qarańǵy ýaqytta ári kúrdeli meteorologıalyq jaǵdaıda júrgizilgen.

Bul týraly QR Prezıdenti Qasym-Jomart Toqaev óziniń twitter áleýmettik jelisinde qaza tapqan ekıpaj múshelerine kóńil aıtyp, otbasylaryna materıaldyq kómek kórsetilitetinin aıtty.

Qyzylorda oblysynda Qorǵanys mınıstrliginiń tikushaǵy apatqa ushyrady.Áskerı jattyǵý kezinde Aqtaý-SHymkent baǵytynda ushqan. Ókinishke qaraı,ekıpaj músheleri qaza tapty. Tergeý jumystary júrgiziledi.Qaza tapqandardyń týystaryna kóńil aıtamyn. Otbasylaryna materıaldyq kómek kórsetiledi

— Qasym-Jomart Toqayev (@TokayevKZ) 27 marta 2019 g.

Usynǵan: Farıza Jomartqyzy