Dımash ózine qandaı qyzdardyń unaıtynyn aıtty dep jazady Qamshy.kz aqparat agenttigi.
–Kreml tórindegi alǵashqy konsertińiz qalaı ótti?
–Keremet ótti. Biraq "áttegen-aı" degen tustar boldy. Onsyz bolmaıdy ǵoı, endi. Biraq kórermenderdiń yqylasyna bólendim, qoshemetin kórdim. Maǵan budan asqan baqyt joq. Jankúıerlerdiń qoldaýynyń arqasynda ózimdi quddy bir Maıkl Djeksondaı sezindim. Sondyqtan osy keshte maǵan qoldaý bildirgen jergilikti turǵyndarǵa jáne shet elden kelgen qonaqtarǵa alǵysymdy bildiremin. Osy konserttiń ótýine tikeleı septigin tıgizgen ata-anama, ataqty kompozıtor Igor Krýtoıǵa úlken raqmetimdi aıtqym keledi.
–Sizdi jankúıerlerińiz sizdi hanzada Dı, perishte dep atap jatady. Mundaı ataqqa ıe bolý siz úshin úlken jaýapkershilik shyǵar?
–Shyn júregimmen jankúıerlerime raqmet aıtqym keledi. Biraq men eshqandaı perishte emespin. Meniń de qatelik jiberetin kezim bolady. Men de barlyǵy sekildi qarapaıym adammyn.
–Siz qazaqtyń halyq áni "Daıdıdaýdy" búkil álemge tanyttyńyz. Endigi armanyńyz qandaı?
–Qazirgi tańda shet memleketterde az-maz tyńdalyp jatqandyǵy bar. Biraq odan ári tanytsam dep armandaımyn.
–Sizge qandaı qyzdar unaıdy?
–Aqyldy bolsa boldy ǵoı. Eń bastysy – sol. Sosyn tárbıeli bolsa, jaqsy. Biraq ony ne qylasyzdar? Ony qaıtesizder? (kúldi)
Usynǵan: Ásel Bolatqyzy
