–San-Fransısko men Londonda jaryq kóretin Wired atty ǵylymı-tanymdyq merzimdi basylymynda Stambul shaharyndaǵy Baıazıt atyndaǵy memlekettik kitaphanany álemdegi osy zamanǵy sáýleti ózgeshe, dızaın órnegi erekshe kitaphanalar arasynda tórtinshi orynnan kóringen.
"Úmim Osmanly kitaphanasy" degen ataýmen 1884 jyly salynǵan kitaphanany kúrdeli jóndeýden ótkizgen ári dızaınyn syzǵan Tabanlıoğlu Mimarlık kompanıasy bolatyn. Atalmysh mádenı orynda oqyrmandarǵa bir mıllıonǵa tarta qundy qujat saqtalǵan. Olardyń jartysyna jýyǵyn kitaptar quraıdy. Kitaphana qorynda 11 120 qoljazba saqtalǵan.
Wired ǵylymı-tanymdyq merzimdi basylymnyń nusqasy boıynsha álemdegi eń ádemi osy zamanǵy kitaphanalar tiziminde birinshi oryn Danıadaǵy, dáliregi, Skandınavıa túbegindegi asa iri Dokk1 kitaphanasyna, al ekinshi oryn AQSH-tyń Vermont shtaty aýmaǵynda oryn tepken Loýrens kópshilikke arnalǵan kitaphanaǵa buıyrǵan.
Úshinshi orynǵa Qytaıdyń Chjen Iýán qalasyndaǵy Ianchjoý kitaphanasy jaıǵasqan. Besinshi orynǵa Norvegıadaǵy Vennesla kitaphanasy taban tiregen. Altynshy oryndy norvegterdiń Býde kitaphanasy mise tutqan.
Chıkagodaǵy kópshilikke arnalǵan kitaphana jetinshi orynǵa shyqsa, Ulybrıtanıadaǵy Bırmıngem kitaphanasy (qorynda 800 myń týyndy bar) segizinshi orynǵa ıek artqan.
Al toǵyzynshy orynda - Kanadadaǵy Galıfaks ortalyq kitaphanasy, sońǵy orynda - Meksıkanyń Monterre qalasyndaǵy Konart kitaphanasy.
Usynǵan: Gúlim Jaqan
