Qaraǵandy qalasynda meshitke kelýshiler jergilikti turǵynnyń aldap ketkenin aıtyp shaǵymdandy. Ol adamdarǵa bızneske aqsha salý arqyly paıda tabýǵa bolatynyna sendirgen. Aqshany alǵannan keıin iz-tússiz joǵalyp ketken. Bul týraly Qamshy.kz aqparat agenttigi tengrinews.kz saıtyna silteme jasaı otyryp habarlaıdy.
"Barlyq "iskerlik áriptesterimen" alaıaq meshitte kezdesti. «Men Erasyldy (esimi ózgertilgen — Red.) úsh jyldan beri bilemin, birinshi kúnnen bastap ol maǵan óte salmaqty, meıirimdi jáne Qudaıdan qorqatyn jigit sıaqty kórindi. Jaqsy kıingen, qymbat avtokólikterge mingen, sondaı-aq muqtaj jandarǵa kómektesetindigin aıtqan. Sodan keıin ol Qytaıdan taýar aldyryp júrgendigin, ony satyp alý úshin ınvestor izdep júrgendigin aıtty. Qarjylaı demeý kórsetken adamǵa aqshasyn paıyzben qaıtaratynyn aıtyp sendirdi. Biraz ýaqyttan keıin oǵan taýardy satyp alý úshin aqshanyń dál qazir kerek ekendigin aıtty, oǵan 20 mıllıon teńgeni senip tapsyrdym», - deıdi qaraǵandylyq Marat.
Marattyń aıtýynsha, Erasyl bul jaǵdaı týraly eshkimge aıtpaýdy ótingen. Alaıda kóp keshikpeı, Erasylǵa senetin meshitte basqa adamdar da paıda bolǵan. 2014 jyly Mekkege qajylyqqa birge barǵan saparynda oǵan 84 myń dollar aqsha bergen.
"Bastapqyda ol qaryzdy qaıtaryp júrdi. Biraq, keıin qaryzdy qaıtarýdy toqtatty. Ol maǵan 57 myń teńge qaryzdar bolǵan. 2017 jyly ol maǵan qaryzdy tolyqtaı eki aıdyń ishinde qaıtarýǵa ýáde etip, qolhat jazyp bergen bolatyn. Degenmen, onymnan eshteńe de shyqpady" — deıdi Marat.
Erasyl odan bólek meshitke kelgen 2 adamdy quryǵyna túsirip, 30 mıllıon teńge paıda tapqan eken. Sondaı-aq Erasyldyń 6 jyl otasqan áıeli Áıgerim de Erasyldyń qurbany bolǵan.
"Bizdiń eki balamyz bar. Úlken balam múgedek. Bir jarym jyl buryn ol bizdi Astanaǵa kóshirip ákeldi. Sosyn, Qaraǵandydaǵy burynǵy úıdi satyp, Astanadan jańa úı alýǵa kóndirdi. Úıdi Erasyldyń atyna jazdyrdym. Ol úıdiń qujattary men ákemniń KamAZ-yn satyp qashyp ketti."- deıdi Áıgerim.
Jábirlenýshiler polısıaǵa shaǵymdanǵanmen, olardyń ótinishteri qaraýsyz qalǵan. «2018 jyldan bastap 2019 jyldyń naýryzyna deıin tórt adam alaıaqtyq úshin polısıaǵa ótinish bergen. Degenmen, Qylmystyq is júrgizý kodeksiniń 179-babyna sáıkes, azamattyq-quqyqtyq mámilelerdi jazbasha túrde jasalmaǵan jáne jaramsyz dep tanyǵan.
Aýdarǵan: Farıza Jomartqyzy
