Báıterek
Armysyz, Bolat Aǵa Ábishuly,
Sizdiń ún – jiger úni, namys úni.
Alashtyń arqatirek Azamaty,
Ózińiz – báıteregi, baǵy-shyńy!
Alashtyń báıteregi, shyrqaýysyz,
Bıiksiz, ulaǵatty ult arysyz!
Ar týyn asqaqtatqan Azamatsyz,
Bahadúr babalardyń urpaǵysyz!
Imannyń ısi tunǵan ıgi azandaı,
Tógilgen salaýatty syı ǵazaldaı.
Babańyz – ónegeli, ójet rýhty
Birligin baqqan eldiń Bı Nazarbaı!
Mereıli ózińizdeı aǵam barda,
Jem bolmas Uly Dalam jamandarǵa.
Bir Sizdiń arqańyzda kemdik kórmeı,
Jasqanbaı jasar qazaq qadamdy alǵa!
Myń shúkir, Bir ózińiz – aǵam myqty,
Bir sizge men saqtarmyn adaldyqty.
Jastarǵa janashyr bop siz kelesiz,
Tanytyp aǵalyqty, adamdyqty!
Qaraımyz úlgi tutyp kerim izge,
Ornyńyz «júrek» deıtin tórimizde.
Qazaqtyń qaısarlyǵyn pash ettińiz,
Sińirip eren eńbek Elińizge!
Aǵa, shyn, máshhúr búgin erligińiz,
Aǵa, shyn, eljireter keńdigińiz.
Bir Sizdeı Azamattyń arqasynda,
Mándi, shyn, maǵynaly Eldigimiz!
Damytyp Týǵan Jerdi, túz-belimdi,
Baqytqa jeteleıin izgi elimdi!
Qaraıyn keleshekke Sizdiń kózben,
Alaıyn árqashanda Sizden úlgi!
Úshqońyr – babalardyń gúl-turaǵy,
Gúl meken urpaǵymen qulpyrady.
Biz – shybyq, Siz – Báıterek, bizdeı shybyq,
Báıterek bolsam deıdi, umtylady!
Ózińiz – báıteregim – asyl aǵam,
Qalaısha qurmetimdi jasyra alam?..
İzgiler Ózińizdeı az ǵalamda,
Úlesi izgilerdeı – ǵasyr aman!
Ónerdi órkendetip, maquldaǵan,
Zeketpen zor saýapqa jaqyndaǵan.
Allanyń aq jolynda ar oılaǵan,
Ardaqty, abyroıly, aqyldy Aǵam!
Aǵataı, Sizdiń saýap adal eken,
Bir Sizdiń arqańyzda dala bekem.
Iedi qazaq basyn tulǵańyzǵa,
Súıedi Alla Sizdi alabóten!
Ákeńiz Ábish Áke – tekti dedim,
Anańyz Áljan Ana – tekti dedim.
Tektilik tunǵan jandar – ata-anańyz,
Ózimniń ata-anamdaı dep bilemin!
Men emes mahabbatyn jasyratyn,
Dál mendeı bolsyn deımin ǵashyq aqyn.
Qýanyp jańalyqqa, dastan jazdym,
Degende «Áljan Ana» Qasyq atyn!
Túsime Ábish Atam ense ǵajap!
Túsime Áljan Anam ense ǵajap!
Ataýyn Shamalǵannyń dep oılaımyn,
Er Ábish esimine berse ǵajap!
Bir sizdi aǵa tutam, baǵynyp, shyn,
Ózińiz – asyl pana – aq úmit, shyn,
Qamqorlyq, qaıyrymdylyq jasap júrsiz,
Qasynan kóp muqtajdyń tabylyp, shyn!
Siz barda, bolmas, sirá, ǵumyr mánsiz,
Ǵumyrdyń mánin erek uǵynǵansyz.
Men, bilsem, Bolat Aǵam – báıteregim,
Qazaqtyń baǵy bolyp týylǵansyz!!!
Qazaqtyń baǵy bolyp týylǵansyz!!!
Saraı aqyny Baltabek Nurǵalıev
Eske sala ketsek, Baltabek Nurǵalıev Bolat Nazarbaevqa arnap óleńder jınaǵyn shyǵarǵan edi. Atalmysh kitap áleýmettik jelide qyzý talqylandy.
Usynǵan: Ásel Bolatqyzy
