Para ber de bara ber! Aqtóbelik stýdentter emtıhan kezinde táýir baǵa úshin aqsha beretinderin jaıyp saldy. Eń soraqysy oqýshylarynan dastarhan jaıyp, tamaq suraıtyn da ustazdar bar kórinedi. Bul týraly Qamshy.kz aqparat agenttigi KTK jańalyqtarynyń málimetine súıenip otyryp habarlaıdy.
Saýalnamaǵa myń jarym stýdent qatysqan. Olardyń jartysynan kóbi baǵa úshin para bergenderin moıyndapty. Ásirese dárigerler men muǵalimder daıyndaıdyn memlekettik ýnıversıtetterge shaǵym kóp túsken. Munda ustazdar synaq kezinde bes myń teńgeden bastap seksen myńǵa deıin para alady. Sondaı-aq stýdentter baǵa úshin aqsha suraıtyn oqytýshylarynyń aty-jónin tizip bergen. Endi onymen quzyrly mekemeler aınalysatyn bolady.
- Quqyq qorǵaý organdary men joǵarǵy oqý oryndarynyń basshylary bul anketırovanıede kórsetilgen mán-jaılardyń barlyǵyn anyqtaý qajet. Shyndyǵyna kóz jetkizý kerek. Ol shyndyq pa, álde joq pa. Shyndyq bolsa árkim óziniń quziret sheginde belgili bir sharalar qoldaný kerek, - dedi Aqtóbe oblystyq memlekettik qyzmet isteri jáne jemqorlyqqa qarsy is-qımyl departamenti basshysy Rasýl Medetov.
