«1 sáýirden bastap ár qazaqstandyqtyń famılıasynyń basyna «Nur» sózi jalǵanýy tıi»s. Búgin áleýmettik jelide osy mazmundy aqparat tarap, el turǵyndaryn ábigerge saldy. Anyqtalǵandaı, bul jalǵan bolyp shyqty. Munyń mán-jaıyn Aqparat jáne qoǵamdyq damý mınıstrligi túsindirip berdi.

«Bul – feık. Munyń birneshe dáleli bar. Birinshiden, aqparat Indýstrıa jáne sıfrlyq damý mınıstrliginiń sheshimine silteme berý arqyly jazylǵan. Al Qazaqstandy ondaı mınıstrlik atymen joq. Onyń ústine belgisiz bireýdiń sózin keltirgen. Eger osy syndy sheshim shyqsa, elge tanymal memlekettik tulǵa málimdeme jasar edi. Taǵy bir aıta keterligi, derekkózi «Shýdaǵy 1 sáýir» dep berilgen. Osyǵan qarap-aq aqparattyń jalǵan ekenine kóz jetkizýge bolady», - dedi mınıstrliktiń baspasóz-hatshysy Aıjan Mýsınova.

Onyń ústine aqparat Shý aýdanyndaǵy «Stabılnaıa gazeta» basylymynan shyqqany anyqtaldy. Atalmysh basylym qazaqstandyqtardy ábigerge salǵan aqparat úshin keshirim surady.

Usynǵan: Gúlim Jaqan