Áskerı polısıa bóliminde Taldyqorǵan jáne Úshtóbe garnızonyna qarasty áskerı bólimder men mekemeleriniń avtoáýesqoı qoǵamy tóraǵalarymen jıyn ótkizildi.

Atalǵan jıyn jol-kólik oqıǵasynyń sebepteri men aldyn-alý sharalaryna baǵyttaldy. Jıyn barysynda jol kólik apattaryn boldyrmaý jáne apattan zardap shekkender sanyn azaıtýǵa baǵyttalǵan is-sharalar jospary jetkizildi.

Áskerı avtomobıl polısıasy bólimshesiniń ofıseri aǵa leıtenant B.Sáýletuly adam ómiriniń qıylýymen oryn alǵan jol kólik apaty oqıǵalaryna mysal keltire otyra «2018 jyl boıynsha Qazaqstan Respýblıkasynyń Qarýly Kúshterinde oryn alǵan jol kólik apaty analızin zerdelep, JKO-nyń aldyn alý boıynsha jumys sapasyn arttyrý maqsatynda, áskerı bólimde jasalýǵa tıis qujattaryn atap aıtqanda, uıymnyń jarǵysy, áýesqoı avtomobılshilerdiń tizimi, jospar-konspektiler, hattamalar, suhbattasý paraqtary jáne aldyn alý is-sharalarynyń ótkizilý kezeńderi, esep materıaldaryn usyný tártibi, JJQ buzýshylyǵy úshin ákimshilik quqyq buzýshylyqtar aıqyndalǵan kezdegi is-qımyldarynyń tártibi, áskerı qyzmetshiniń qatysýymen bolǵan JKO kezindegi is-qımyldarynyń tártibi jetkizdi.

Sonymen qatar, Taldyqorǵan garnızonynyń Áskerı polısıa bóliminiń áskerı avtomobıl polısıasy bólimshesiniń bastyǵy kapıtan Á.Ohanov 2018 jylǵy jeltoqsanda Qorǵanys mınıstriniń birinshi orynbasary – QR QK Bas shtabynyń bastyǵymen bekitilgen áskerı qyzmetshilerdiń qatysýymen jol-kólik oqıǵalary men olardyń aýyr saldarynyń sanyn tómendetýge baǵyttalǵan aldyn-alý sharalar josparynyń tarmaqtary talqylap, avtoáýesqoı qoǵamy tóraǵalaryna birqatar tapsyrmalar qoıdy.