Otandyq kásipkerlerge Qytaı naryǵyna shyǵýǵa bolatyn biregeı múmkindik beriledi. Jalpy aýdany 6500 sharshy metrdi quraıtyn Qaz Luimiere jańa saýda ortalyǵy «Qorǵas» shekara mańy yntymaqtastyǵy halyqaralyq ortalyǵynyń qazaqstandyq bóliginde ornalasqan. Gıpermarkettiń resmı ashylýy 2019 jyl 1 mamyrǵa josparlanyp otyr. Ortalyqtyń birinshi jalǵa alýshylary qatarynda Grýzıa (araq-sharap ónimi), Ýkraına (bylǵary ónimderi), QHR (kosmetıka) kásipkerleri boldy. Jalǵa alýdyń aıyryqsha sharttary 1-15 mamyr arylyǵynda Qazaqstan-Qytaı jármeńkesi kúnderi júzege asady. Osy kezeńde kásipkerler kórme stendin (150 000 teńge) alý úshin ǵana shyǵyndalatyn bolady.
«Bul kórme kásipker «Qorǵas» shekara mańy yntymaqtastyǵy halyqaralyq ortalyǵynyń múmkindikterin kórýi úshin ótkizilip jatyr. Kásipkerge naryqty taldaýǵa: qaı jerde baǵdarlaný kerek, jeke taýarǵa suranysty baǵalaý júrgizýge múmkindik berip otyrmyz. Ary qaraı biz kórmeni jarnamalaý maqsatynda Qytaı tarapynan jarnama agenttigin jumyldyramyz. Kórmeniń ózinde birqatar is-sharalar josparlanǵan. Bul Qytaı naryǵyna shyǵýdyń birigeı múmkindigi. Óndirýshiler «Qorǵas» shekara mańy yntymaqtastyǵy halyqaralyq ortalyǵyna taýarlaryn jetkizip, kórme stendin satyp alýdan basqa shyǵyndalmaıdy. Jalǵa alýshylarǵa keletin bolsaq, árqaısysyn jeke qaraýdamyz, jalǵa alynyp jatqan orynjaıdyń kólemine qaraı jeńildikter, jeńildik kezeńderi qarastyrylǵan. Barlyq óndirýshilermen, uıymdarmen iskerlik qarym-qatynasqa daıynbyz», – dedi «Qaz Lumiere» saýda ortalyǵynyń atqarýshy dırektory Narıman Zakıránov.
Kórmege Qazaqstan, TMD elderi jáne jaqyn shet el taýar óndirýshileri qatysýǵa shaqyrylady. Qaz Luimiere arnaıy ekonomıkalyq aımaqta ornalasýy qazaqstandyq bızneske – arnaıy salyqtyq rejımge sáıkes salyq tólemderin jasamaı kásipkerlik qyzmetti júrgizýge múmkindik beredi.
Uıymdastyrýshylardyń aıtýynsha, saýda ortalyǵy iskerlik kezdesýlerge, Qazaqstan men TMD elderine shyǵarylatyn ónimdermen tanystyrý, saýda-sattyq jáne bos ýaqytty ótkizýge arnalǵan tıimdi is-sharalardyń alańyna aınalady. Bul is-shara jaqyn jáne alys shet elderdiń isker toptary men týrıseriniń qyzyǵýshylyǵyn týdyratyny sózsiz. Qazaqstandyq kásipkerler úshin, birinshi kezekte Qytaıdyn kópmıllıondy naryǵyna shyǵý, halyqaralyq saýdany damytýdyń múmkindigi.
Kelesi taýarlar kórme eksponaty bola alady:
Alkogól ónimderi;
sıgaretter, sıgaralar, temeki;
kıim-keshek, aıaq kıim;
shokolad, kámpıtter;
qurǵaq sút;
un ónimderi (un, makaron ónimderi jáne t.b.);
jıhaz;
ydys aıaq;
dastarhan, perdeler jáne t.b.;
jaryq qurylǵylar;
shaǵyn-burqaqtar;
fıtodızaın;
ekodızaın.
Myna taýarlarǵa tyıym salynǵan:
jańa aýlanǵan balyq;
jumyrtqa;
shujyq ónimderi;
ýyldyryq;
jemis-jıdek;
sút ónimderi;
ósimdik tuqymdary (kókónis, gúlderdiń tuqymy jáne t.b.);
altyn.
Uıymdastyrýshylar eksponattardy irikteý quqyǵyna ıe. Kórme qatysýshylarǵa sáıkes syıapat kórsetiledi. Jeńimpazdar laýreat dıplomdarymen marapattalady. Kórmege qatysý ótinimderi 1 naýryz 10 sáýir aralyǵynda myna elektrondy poshta arqyly qabyldanady: a.tastanbekova@atameken.kz.
