Reseıde Barahoev aýylynyń 28 jastaǵy turǵyny óziniń eki balasy otyrǵan úıdi ótken jibergen. Bul jaıynda Qamshy.kz aqparat agenttigi life.ru portalynyń deregine súıenip jazady.

Kúdiktiniń 4 jasar balasy oqıǵa ornynda kóz jumǵan, al onyń bir jarym jastaǵy qyzyn kórshileri qutqaryp úlgeripti.

Tergeýshilerdiń aıtýynsha, ishimdikke sylqıa toıyp alǵan áıel úıindegi jıhazdary men bólmeleriniń birine tez janatyn suıyqtyq quıyp órtep, ózi ketip qalǵan. Saldarynan kúdiktiniń balasy qaza taýyp, kishkentaı qyzyn kórshileri qutqaryp qalǵan. Búldirshindi dereý aýrýhanaǵa jetkizipti. Órtti uıymdastyrǵan áıel qamaýǵa alynyp, oǵan qandaı úkim shyǵarylatyny sheshilýde.

Belgili bolǵandaı, qylmyskerdiń taǵy eki balasy bar eken, olar áıeldiń týystarynyń qamqorlyǵyna nemese kishkentaı balalarǵa arnalǵan reabılıtasıalyq ortalyqqa berilmek.

Jergilikti BAQ-tyń derekterine sáıkes, qutqarylǵan búldirshin 1 jas 7 aılyq bolǵan. Áıeldiń mundaı qadamǵa barýyna kúıeýimen bolǵan urys sebep bolǵan degen aqparat bar.

Usynǵan: Nazerke Labıhan