SQO ákimi Qumar Aqsaqalovtyń ókimimen Rýslan Qanathanuly  Álishev Soltústik Qazaqstan oblysy ákiminiń áleýmettik máseleleri jónindegi orynbasary bolyp taǵaıyndaldy, dep habarlady SQO ákimdigi Qamshy.kz aqparat agenttigine.

Rýslan Álishev SQO-nyń týmasy, M. Qozybaev atyndaǵy Soltústik Qazaqstan memlekettik ýnıversıtetin, A. Myrzahmetov atyndaǵy Kókshetaý ýnıversıtetin támamdaǵan.

2004-2013 jyldary ─ Soltústik Qazaqstan oblysy ákiminiń ınspektory,  İshki saıasat basqarmasynyń orynbasary jáne basshysy, Maǵjan Jumabaev aýdany ákiminiń orynbasary.

2013-2018 jyldary – QR Mádenıet jáne aqparat mınıstrligi Aqparat jáne muraǵat komıteti Elektrondyq BAQ basqarmasynyń basshysy,  «Nur Otan» ortalyq apparaty Saıası jumystar departamentiniń dırektory, QR Aqparat jáne komýnıkasıalar mınıstrligi Aqparat komıteti tóraǵasynyń orynbasary.

2018 jyldan bastap osy taǵaıyndaýǵa deıin QR Aqparat jáne komýnıkasıalar mınıstrliginiń «Ortalyq komýnıkasıalar qyzmetiniń» basshysy bolyp jumys istedi.

Madıar Qojahmet basqa jumysqa aýysýyna baılanysty SQO ákimi orynbasary qyzmetinen bosatyldy.

Usynǵan: Nazerke Labıhan