Jýyrda Iork (Kanada) ýnıversıtetiniń ǵalymdary adamnyń bet-álpetiniń damý evolúsıasy  qorshaǵan ortadaǵy áleýmettik daǵdylardy qajet etýine baılanysty ekenin aıtty. Bul týraly Phys.org-tiń baspasóz habarlamasynda aıtylǵan.

Zertteýshilerdiń pikirinshe, adamdardyń tiri qalýy úlken áleýmettik qatynastyń paıda bolýyna baılanysty. Osyndaı jaǵdaılarda ymdap sóıleý, ısharamen qarym-qatynas jasaý  mańyzdy ról atqarǵan. Bul faktorlar, adamnyń bet-pishinine de áser etken. Búginde adamdar 20-dan astam ártúrli emosıalar sanattaryn bildirý múmkindigine ıe bolsa, burynǵy adamdar mundaı emosıalardan maqurym bolǵan eken.

Joıylyp ketken adamdarǵa qaraǵanda Homo sapiens-ter mańdaıy jazyq, bet-pishini túrli emosıalardy bildirýge qabiletti bolǵan. Jetilgen adamdardyń júzderi jalpyǵa ortaq sezimderdi aıqyn baıqatýǵa múmkindik berdi.

Adam betiniń qazirgi qalypqa túsýine tamaq ázirleýdi meńgergenniń de septigi bolǵan, deıdi ǵalymdar. Bunyń nátıjesinde olar uzaǵyraq shaınaý qajettiligin azaıtqan, bul  óz kezeginde bet bulshyq etteriniń kólemin azaıtýǵa ákelgen.

Daıyndaǵan: Naýryzbek Sarsha