Aqtóbe oblysy, Bestamaq aýylyndaǵy mektep aldy daıarlyq synybynda oqıtyn 6 jasar balanyń ústine shkaf qulap ketken. Sabaq ýaqytyndaǵy keleńsizdik úshin eshkimnen jaýap alynbaıdy dep habarlaıdy Qamshy.kz aqparat agenttigi Dıapazon portalyna silteme jasap.

Ústine shkaf qulaǵan balanyń erini jyrtylyp, denesiniń birshama jeri kógergen.

Alǵa aýdandyq bilim bóliminiń basshysy Janar Ýtepbergenova balanyń ózi shkafqa tyǵylǵanyn, sosyn basyn soǵyp alyp, sol kezde erinin tistep qalǵanyn alǵa tartady. Al muǵalim bul jaǵdaıdy nazarynan tys qaldyrǵan. Mektepte balaǵa jedel medısınalyq kómek kórsetetin maman da bolmapty.

Jaraqat alǵan balanyń ata-anasy muny jaýapsyzdyq dep qabyldap, áleýmettik jelige deneniń kógergen jerlerin ftotǵa túsirip júktegen. Endi istiń anyq-qanyǵyn naqtylaýǵa polısıa kiristi.

"Atalmysh oqıǵa boıynsha QR QK 156-babyna (Eńbekti qorǵaý qaǵıdalaryn buzý) sáıkes is qozǵaldy. Degenmen, tekserý amaldary barysynda eshqandaı qylmystyq áreket oryn almaǵany naqtylanyp, is toqtatyldy. Ata-analar tarapynan qarsylyq joq", - dedi polısıa departamentiniń baspasóz qyzmetiniń jetekshisi Erbolat Sarqulov.

Usynǵan: Ádilet Mádenıet