Bıyl Almatyda 700-den astam adam qańǵybas ıtterden zardap shekken. Jyl basynan beri megapolıste 5 myńǵa jýyq ıt aýlansa, sonyń tek 600-ge jýyǵynyń ǵana ıeleri tabylǵan dep habarlaıdy Qamshy.kz aqparat agenttigi "Almaty" telearnasyna silteme jasap.

Ótken jyly Almatyda 16 myńnan asa qańǵybas ıt aýlansa, bıyl nebári 4 aıdyń ishinde olardyń sany 5000-ǵa jýyqtap qalǵan.

Almaty qalalyq Veterınarlyq qyzmeti qaraýsyz janýarlardy aýlaý bóliminiń basshysy Áıgerim Jaqsylyqtyń aıtýynsha,  kúnine 70-ke jýyq ıt ustalady eken. Bul kórsetkish maýsymǵa baılanysty ózgerip turatyn kórinedi. "Qys pen kóktemde ıtterdiń sany kóbeıse, jaz aılarynda birshama azaıatyn ıtterdi, tek adamdarǵa shabýyl jasamasyn dep qana emes, antropozoonoz aýrýynan saqtaný úshin ustaımyz", – deıdi Áıgerim Jaqsylyq.