Almaty oblysy ákimdiginiń qoldaýymen Almaty qalasynyń irgesindegi «Baıserke-Agro» atshabarynda ótip jatqan Jastar arasyndaǵy İ Azıa chempıonaty búgin Teńge alý sport túrimen jalǵasady dep habarlaıdy Qamshy.kz aqparat agenttigi.

QR Mádenıet jáne sport mınıstrliginiń jyldyq kúntizbelik josparyna sáıkes QR Ulttyq sport qaýymdastyǵynyń uıymdastyrýymen ótip jatqan baıraqty básekede Qazaqstan, Reseı, Qytaı, Vengrıa, Monǵolıa, Malaızıa, Túrkıa, Ózbekstan, Tájikstan, Aýǵanstan, Qyrǵyzstan sekildi jalpy jıyny 10 memlekettiń eń úzdik sportshy jastar komandalary baq synap jatyr.

Teńge ilýden ótetin jarys saǵat 15:00-de bastalady. Dál osy kúni jeńimpazdardyń da esimderi belgili bolady. Bul sport túri boıynsha qazaq eliniń namysyn İzjanov Ǵalymjan, Eljanov Nurjan esimdi sportshylar qorǵaıdy. Al, chempıonattyń jalpy júlde qory 16 000 000 teńgege jýyq qarjyny quraıdy.

Ulttyq at sporty túrlerinen ótip jatqan jarysqa «Qazaqstan RTRK» AQ basty aqparattyq qoldaý kórsetip otyr. Chempıonat bastalǵan kúnnen bastap «Qazsport» telearnasy atshabarda ótip jatqan básekelerdi jurtshylyq nazaryna usynýda.

Aıta keteıik, Jastar jyly qarsańynda ótetin básekege Túrik yntymaqtastyq jáne úılestirý agenttigi (TIKA) de qoldaý bildirip otyr. Chempıonattyń Bas seriktesi – «Samuryq-Qazyna» ulttyq ál-aýqat qory».

Usynǵan: Nazerke Labıhan