2019 jylǵy 23 sáýirde Qazaqstan Respýblıkasy Ortalyq saılaý komısıasynda Qasym-Jomart Kemeluly Toqaevtyń memlekettik tildi erkin meńgergendigin anyqtaý jónindegi lıngvısıkalyq komısıanyń otyrysy ótti dep jazady Qamshy.kz aqparat agenttigi Ortalyq saılaý komısıasynyń resmı saıtynyń deregin negizge alyp. 

Lıngvısıkalyq emtıhan barlyq úsh kezeńde boıynsha ótti: taqyryp boıynsha jazbasha tapsyrma jazý, mátin oqý jáne lıngvısıkalyq komısıa bergen taqyrypqa kópshilik aldynda keminde on bes mınýt sóz sóıleý. Emtıhan tapsyrylǵannan keıin lıngvısıkalyq komısıa talqylaý ótkizip, qorytyndylady.

Komısıa jumysy ashyq jáne jarıaly túrde júzege asyryldy, al buqaralyq aqparat quraldary sheshim qabyldaý prosesin baıqaýǵa múmkindik aldy. Otyrysqa Ortalyq saılaý komısıasynyń múshesi Súleımen Lázzát Jańylysqyzy qatysty.

Jazbasha jumystyń taqyryby "Abaı Qunanbaıulynyń poezıasy men qara sózderi" boldy. Jazbasha jumysynyń mazmunynda Abaı shyǵarmalary men eńbekterin tereń biletini baıqaldy. Jazbasha jumys mazmuny, stıli, emlesi, tynys belgileri boıynsha baǵalandy. Jazbasha jumystyń taqyryby tolyǵymen ashylǵan.

Ekinshi tapsyrma boıynsha úmitker jazýshy Sherhan Murtazanyń "Myńbulaq" kitabynan úzindini emosıonaldy túrde, mánerlep, daýystap oqyp shyqty.

Úshinshi tapsyrma boıynsha Prezıdentke úmitker "Qazirgi Qazaqstannyń geosaıasaty" taqyryby boıynsha óz oıyn 15 mınýtta aýyzsha aıtyp berdi. Oıyn qazaqsha erkin jetkizdi, sóılem quraýy durys.

Emtıhan qorytyndysy boıynsha lıngvısıkalyq komısıa Qazaqstan Respýblıkasynyń Prezıdenttigine úmitker Qasym-Jomart Kemeluly Toqaevtyń memlekettik tildi erkin meńgergendigi týraly ashyq daýyspen sheshim qabyldady.

Usynǵan: Ásel Bolatqyzy