23 sáýirde Almaty qalasyndaǵy "MELOMAN "GRAND" saýda jelisinde «Altyn qalam» ádebı júldesi aıasynda ádebı kezdesý ótti dep jazady Qamshy.kz aqparat agenttigi. 

Shara barysynda  «Altyn qalam 2018» baıqaýynda «Jyldyń úzdik romany» atanyp, Esenqul Mamanov atyndaǵy bas júldeni jeńip alǵan Aıdyn Kálimhannyń «Qashqyn» roman-bıografıasy men talantty qalamger Esbolat Aıdabosynnyń «Jyldyń úzdik prozasy» atalymy boıynsha oza shapqan «It tirlik» áńgimesi engen «QASHQYN» atty kitaby tanystyryldy. «Altyn qalam» júldesine qatysqan daryndy avtorlardyń tańdaýly áńgimelerinen qurastyrylǵan «QAZİRGİ QAZAQ SATIRASY» atty jańa jınaq usynyldy. Sonymen qatar, «Altyn qalam 2017»  báıgesinde topjarǵan «Alashorda» jáne «Ómirdiń ózi» kitaptarynyń tusaýy kesiledi. 

Budan bólek bıyl ekinshi ret Ádebı «Oskar» syılyǵy tabys etildi.    Atalǵan syılyq búgingi zaman ádebıetin damytýǵa eleýli úles qosqan qalamgerlerge berildi.  Jeńimpazdar «Altyn qalam» baıqaýy men Álemdik ekonomıka jáne saıasat ınstıtýtynyń áleýmettanýshysy Aıman Júsipova birlesip júrgizgen áleýmettik zertteýdiń qorytyndysy boıynsha anyqtaldy. Zertteýge ádebıet, ǵylym, bıznes salasyndaǵy bedeldi 61 sarapshy qatysyp, qazaqstandyq ádebıettiń damý barysy men búgingi kitap naryǵynyń jaǵdaıyna baılanysty jeke pikirlerin bildirdi. Sarapshylar sondaı-aq, qazirgi tańda suranysqa ıe ádebı janrlardy, úzdik avtorlar men úzdik kitaptardy atap ótti. 

 Saýalnama nátıjesinde kelesi azamattar jeńimpaz atandy:

Jyldyń úzdik baspasy — Meloman Publishing

Jyldyń ádebı debúti — Oral Arýkenova "Pravıla neftánkı"

Kitap like (oqyrmandar tańdaýy) — Asqar Nursha "Pýtınskaıa Rossıa: geopolıtıcheskıı revansh ılı agressıvnaıa oborona?"

Áleýmettik mánge ıe taqyrypqa arnalǵan úzdik kitap — Gúlnár Bajkenova "Tolko ne govorıte, eto slıshkom"

Jyldyń úzdik mesenaty (Ádebıetke kórsetken qoldaýy úshin) — Oljas Qudaıbergenov

Usynǵan: Ásel Bolatqyzy