Ýkraınanyń burynǵy prezıdenti Vıktor Ianýkovıch, prezıdent saılaýynda jeńiske jetken Zelenskıı memleket tizginin túbegeıli qolyna alǵannan keıin Kıevke qaıta oralǵysy keletinin jetkizdi dep habarlaıdy Qamshy.kz aqparat agenttigi  lenta.ru saıtyna silteme jasaı otyryp. Ol týraly eks-prezıdenttiń advokaty Vıtalıı Serdúk habarlaǵan.

Serdúktiń aıtýynsha, Petr Poroshenko prezıdent bolǵan kezde Ianýkovıch saıası qysym saldarynan elden ketýge májbúr bolǵan. Advokat bılik basyna Vladımır Zelenskııdiń kelýimen bul jaǵdaı ádil sheshimin tabady degen úmitte.

Qazirgi tańda eks-prezıdent Ianýkovıchke taǵylǵan aıyptaýlar alynyp tastalmaıynsha, ol Reseıde qalýǵa májbúr ekenin atap ótti. Onyń quqyqtaryn qalpyna keltirip, Ianýkovıchtiń qýdalanýy tek saıası sıpatqa ıe ekenin dáleldegisi keledi.

Sonymen qatar, eks-prezıdenttiń qorǵaýshysy 2014 jyldyń oqıǵasyna sebepker bolǵan shyn kinálilerdi anyqtap, jaýapqa tartqysy keletinin jetkizdi.

Esterińizge sala ketsek, Vıktor Ianýkovıch  2014 jyly 22 aqpanynda, Ýkraınadaǵy saıası jaǵdaı ýshyǵyp turǵan kezeńde Reseıge ketken bolatyn.  Sol sebepti Ianýkovıchti memleketke satqyndyq jasady dep aıyptap, syrtynan 13 jylǵa bas bostandyǵynan aıyrǵan.