QR Kásipodaqtar federasıasynyń atqarýshy komıteti eki kandıdatty usyndy dep jazady Qamshy.kz aqparat agenttigi. Alaıda usynylǵan kandıdattardyń biri Muhtar Tinikeev saılaýǵa qatysýdan óz erkimen bas tartty. 

— Meni saılaýǵa kandıdat retinde usynýǵa eshqandaı negiz joq. Sebebi meniń qazaq tilimniń deńgeıi saılaýǵa qatysýǵa múmkindik bermeıdi, - dep túsindirdi federasıa tóraǵasynyń orynbasary Muhtar Tinikeev. 

QR Kásipodaqtar federasıasynyń atqarýshy komıteti usynǵan ekinshi úmitker — Amangeldi Taspıhov. 

Amangeldi Taspıhov 1959 jyly 20 qarashada Batys Qazaqstan oblysynda dúnıege kelgen. Negizgi mamandyǵy – ınjener-mehanık. 1998-2002 jyldary parlament senatynyń depýtaty, 2004-2007 jyldary májilis depýtaty boldy. Keıin Batys Qazaqstan oblystyq máslıhatynyń depýtaty qyzmetin atqardy. Qazir ol Batys Qazaqstan oblystyq aýmaqtyq kásipodaqtar birlestiginiń tóraǵasy.

Usynǵan: Ásel Bolatqyzy