Júre berseń, kóre beresiń deıtin be edi osyndaıda. 50 jyl boıy shashyna sý tıgizbeı, ustara tıgizbeı kelgen vetnamdyqtyń taǵdyry bizdi aıtarlyqtaı qyzyqtyrdy. Endeshe biz qupıasyn ashalyq, siz oqyńyz!

Osyndaı erekshe áreket jasaǵanymen, Tran Van Heı Gınnestiń rekordtar kitabyna enbegen. Bul aqparat kishkentaı eldi-mekendegi qarapaıym turǵynnyń ómirinen bolǵandyqtan, iri jobanyń ókilderine jetpeı qalsa kerek. Tran Van Heıdiń shashtaraz aldyna barmaǵanyna 50 jyldan astam ýaqyt ótken. Qazir onyń shashynyń uzyndyǵy 6 metrdi quraıdy.

Tran Van Heı – 1931 jyly dúnıege kelgen vetnamdyq qart. Ol elý jyl buryn óziniń shashyn aldyrý barysynda terisine zaqym kelip, sodan keıin ósire bergendi jón kóripti. Ýaqyt óte kele uzyn ári qalyń, onyń ústine jýylmaıtyn shash aǵash dińine uqsaıtyn dúnıege aınalyp ketken.

Salmaǵy 10 kılogramnan asatyn, uzyndyǵy 6 metrdi quraıtyn shash býmasynyń syrt pishimi jylandy eske salady. Óziniń aıtýynsha, ol bul shashyna ábden úırenip ketken jáne qolaılylyq úshin odan arylýǵa qulyqsyz.

Ol qydyratyn kezde nemese velosıpedpen júretin kezde uzyn ári qalyń shashyn úlken oramalmen orap alady. Bul syrt kózge tym qorash ári kúlkili kórinse de, Heı oǵan alańdaı qoımaıdy.

Sonymen qatar, Heı osynshalyqty uzyn shashty ómirinde birneshe ret qana jýǵan eken. sondyqtan, onyń syrt kórinisi kóz tartarlyqtaı emes. Jergilikti turǵyndardyń aıtýynsha, onyń sońǵy ret bas jýǵanyna da 10 jyldan asa ýaqyt ótipti.

Tran Van Heıdiń Gınnestiń rekordtar kitabyna enbeý sebebi – ol eshqashan óziniń uzyn shashynyń rekordtyq kórsetkish ekeni týraly ótinish bermegen. Óziniń sózine súıensek, ol bul qadamǵa májbúrlikten barǵan, al ol úshin maqtaý estigisi kelmeıdi-mys.

Aýdarǵan: Ádilet Mádenıet