24-sáýirde Soltústik Koreıa basshysy Kım Chen Yn alǵash ret Reseıge saparlap keldi. Kım eki el shekarasyndaǵy Hasan stansıasyna Reseı prezıdenti Vladımır Pýtınmen kezdesýinen bir kún buryn keldi dep habarlaıdy Azattyq.

Hasanda Kım Chen Yn 1986 jyly ákesi SSSR-ge kelerden buryn salynǵan, "Kım Ir Senniń úıi" degen atpen tanymal orys-koreı dostyq úıine bardy. Munan soń Kım Pýtınmen kezdesý ótetin Vladıvostok qalasyna júrip ketti.

Pýtın men Kım Vladıvostok qalasynda erteń, 25 sáýirde kezdesedi.

"25-sáýirde ótetin kelissózdiń negizgi taqyryby Koreı túbegindegi ıadrolyq qarý máselesin dıplomatıalyq jáne saıası jolmen sheshý bolmaq" dep málimdedi 23 sáýirde Kreml ókili Iýrıı Ýshakov. Onyń sózinshe, sońǵy kezderi túbektegi jaǵdaı "rettelgen". Ýshakov "buǵan Soltústik Koreıanyń ıadrolyq qarýdy synaýyn doǵaryp, polıgondy jabýy yqpal etti" deıdi.

Kreml ókiliniń sózinshe, Kım men Pýtın aldymen shaǵyn quramda betpe-bet kezdesip, artynsha keńeıtilgen otyrys ótkizedi. Reseıdiń memlekettik RIA "Novostı" agenttiginiń jazýynsha, kezdesý kezinde qandaı da bir qujatqa qol qoıý ne birigip málimdeme jasaý josparlanbaǵan.

Usynǵan: Ádilet Mádenıet