Aımaq basshysy Nurlan Noǵaevtyń tapsyrmasyna sáıkes turǵyndarmen kezdesý 26 sáýir kúni 17:00-de óńirdiń barlyq áleýmettik mekemelerinde uıymdastyrylady, dep habarlaıdy Atyraý oblysynyń Óńirlik komýnıkasıalar qyzmeti.

Oblys basshysynyń bastamasymen ótetin naýqanǵa búdjet qarjysynan qarjylandyrylatyn oblys ortalyǵyndaǵy barlyq áleýmettik mekemeler, aýyldyq, aýdandyq jáne qalalyq ákimdikter qatysady.

- Turǵyndarmen kezdesýdi balabaqshalar, mektepter, BJSM, mýzykalyq mektepter men óner mektepteri, jumyspen qamtý ortalyqtary, aýrýhanalar jáne basqa da densaýlyq saqtaý nysandary ótkizedi. Qalalyq, aýdandyq jáne aýyldyq ákimdikter, sondaı-aq, jastar resýrstyq ortalyqtary memlekettik qyzmet jármeńkesin ótkizedi. «Ashyq esik kúniniń» negizgi maqsaty - memlekettik organdardyń jáne áleýmettik mekemelerdiń turǵyndarmen barynsha ózara baılanysýy, - dep habarlady Atyraý oblysy ákiminiń baspasóz qyzmeti.

Aıta keteıik, «Ashyq esik kúni» ár aıdyń sońǵy jumasynda 17:00-de áleýmettik mekemelerdiń akt jáne konferensıa zalynda ótkiziledi. Aýyldyq ákimdikter ashyq esik kúnin óz mekemelerinde uıymdastyrady, aýdandyq jáne qalalyq ákimdikter – aýdan ortalyǵyndaǵy mádenıet úılerinde ótkizedi. Atyraý qalasy ákimdigi ashyq esik kúnin memlekettik qyzmet jármeńkesi formatyndy ortalyq dene shynyqtyrý-saýyqtyrý ortalyǵynda uıymdastyrady.

Eske salaıyq, jurtshylyq pen memlekettik organdar arasyndaǵy qarym-qatynastardy jaqsartý úshin qala men aýdan ákimderine, jaýapty organ ókilderine aı saıyn ákimdikter men áleýmettik mekemelerdiń «Ashyq esik kúnderin» ótkizý tapsyrylǵan bolatyn.

Bul bastamany 2017 jyldyń qańtarynda Atyraý oblysynyń ákimi Jylyoı aýdanynda ótken kóshpeli jıynda aıtty. Sonymen qatar, Qazaqstan Prezıdenti Qasym-Jomart Toqaev oblys ákimderimen kezdesý barysynda óńir basshylaryna halyqpen barynsha jıi kezdesýler ótkizýdi tapsyrǵan bolatyn.