Qazaqstannyń aqparat jáne qoǵamdyq damý mınıstri Dáýren Abaev "Almaty marafon" kezinde "Shyndyqtan qasha almaısyń" degen jazýy bar plakat ustap shyqqan belsendilerdiń ustalyp, 15 táýlikke qamalýyna qatysty pikir bildirdi.

Óz sózinde mınıstr sot sheshimine qatysty pikir bildire almaıtynyn aıtty dep habarlaıdy Qamshy.kz aqparat agenttigi Stan.kz saıtyna silteme jasap.

Abaev buǵan deıin ishki ister mınıstri Erlan Turǵymbaev quqyq qorǵaý organdarynyń belsendilerdi ne úshin tutqyndaǵanyn túsindirgenin atap ótti.

"Laýazymdy tulǵa, memleket qyzmetkeri retinde sot sheshimine qatysty pikir bildire almaımyn. Onyń ústine, sot otyrysyna qatyspadym, is materıaldarymen tanys emespin" – deıdi mınıstr.

Alaıda aqparat mınıstri azamat jáne BAQ qoldanýshysy retinde pikir bildire alatynyn aıtty.

"Kim ne dese de, bul saıası naýqan. Sebebi sonyń krıterılerine saı keledi. Birinshiden, bul jarıalylyq, ekinshiden, úndeýdiń bolýy, úshinshiden, saıası oqıǵamen, ıaǵnı saılaýmen baılanystyrý.

Memleket basshysy saılaý prosesiniń ashyqtyǵyn negizgi artyqshylyq dep atady. Sondyqtan, azamattyq bastama retinde belsendilerdiń áreketin qoldaımyn. Alaıda, ishki ister mınıstri aıtqandaı, mundaı naýqandar zań aıasynda ótkizilýi tıis", - deıdi Dáýren Abaev.

Eske sala ketsek, 21 sáýirde Almatyda ótken marafon kezinde Ál-Farabı dańǵyly men Shashkın kóshesiniń qıylysynda "Shyndyqtan qasha almaısyń»" "#Meniń tańdaýym bar", #ADILSAILAYUSHIN degen jazýy bar plakat ustaǵan adamdar tutqyndaldy. Artynsha olar 15 táýlikke qamaldy. İshki ister mınıstri belsendilerdiń ustalýynyń sebebin túsindirdi.

Usynǵan: Ádilet Mádenıet