Mádenıet jáne sport mınıstri Arystanbek Muhamedıuly reseılik "Golos. Detı" jobasynda ekinshi oryn alǵan Erjan Maksımmen kezdesti dep habarlaıdy Qamshy.kz aqparat agenttigi sputniknews.kz  saıtyna silteme jasap.

Qazaqstandyq ánshi Erjan Maksım "Golos. Detı" shoýynyń aınalasynda týyndaǵan janjalǵa qatysty pikir bildirdi. 

"Erjan baýyrymyz "Golos.Detı" baıqaýynda ekinshi oryn aldy. Osyǵan deıin jas talanttar konkýrstarǵa qatysatyn. Biraq fınalǵa shyǵa almaıtyn. Tipti, fınalǵa shyqty dese qýanatynbyz. Ózderińiz kórdińizder, Erjan sýperfınalǵa shyqty. Nátıjesinde ekinshi oryn alyp, úlken jetistikke jetti", - dedi mınıstr.

Mınıstr jas ánshige IPad mini planshetin syıǵa tartyp, shyǵarmashalyǵyna tabys tiledi.

Kezdesý barysynda jýrnalıser Erjannan "Golos. Detı" baıqaýynyń qorytyndysyna kóńiliń tola ma, birinshi oryn almaǵanyń úshin ókpeń bar ma?" dep surady. 

"Joq, birinshi oryn almaǵanym úshin eshkimge ókpelemeımin. Bir jaǵynan, birinshi oryn almaǵanym da jaqsy boldy. Eger men baıqaýda birinshi oryn alsam, bári meni quttyqtaıtyn edi. Endi ekinshi oryn alsam da, ártister tanyp, áleýmettik jelide oqyrmandarym kóbeıdi", - dedi Erjan Maksım.

Sonymen qatar, jas ánshi qazaqstandarǵa óz alǵysyn bildirdi.

"Golos. Detı" baıqaýynan soń kóp nárse ózgerdi. Buryn meni Oral halqy ǵana tanıtyn. Endi Qazaqstannyń jartysy tanıdy dep oılaımyn. Instagram jelisindegi oqyrmandarym kóbeıdi. Osylaı qoldaý bildirgenderińiz úshin sizderge raqmet aıtamyn. Meniń oıymsha, "Golos. Detı" baıqaýy ádil ótti", -dedi ol.

Aıta keteıik, 26 sáýirde Reseıdiń birinshi arnasynda "Golos. Detı" shoýynyń fınaly kórsetildi. Daýys berý qorytyndysy boıynsha ánshi Alsýdyń qyzy Mıkella Abramova jeńiske jetti. Al qazaqstandyq ánshi Erjan Maksım ekinshi oryn ıelendi. Biraq kórermender fınal ádil ótpegenin aıtyp, shý shyǵardy. Kóptegen reseılik ártister qazaqstandyq ánshige qoldaý bildirip, ony naǵyz jeńimpaz dep biletinin aıtty. 

Oqı otyryńyz, ♦Erjan Maksım teginiń nege "Maksım" ekenin túsindirdi

Usynǵan: Maqpal Sembaı