"Golos. Detı" baıqaýynyń ekinshi oryn ıegeri Erjan Maksım tegi týraly túsindirip berdi dep habarlaıdy Qamshy.kz aqparat agenttigi.

Qazaqtyń jarqyrap shyǵyp kele jatqan jaryq juldyzy týraly birer málimet usynsaq.

Erjan 2007 jyldyń 1 qańtarynda Batys Qazaqstanda, Oral qalasynda dúnıege kelgen. 

Ákesi - Erbol Naýmov.

Anasy - Gúlmıra Álibek. 

Otbasyndaǵy úshinshi bala. Eki ápkesi bar. 

Ol tórt jasynda án aıtyp bastaǵan. Ákesiniń qyryq jas mereıtoıynda án salǵan uldarynyń darynyn baıqaǵan ata-anasy ony jergilikti jerdiń Mádenıet úıindegi vokal úıirmesine beredi. Jetekshisi Respýblıkalyq baıqaýlardyń laýreaty, Oral fılarmonıasynyń beldi múshesi - Darıa Baqytova. 

9  jasar Erjan halyqaralyq sahnada eń alǵashqy jetistigin kórsetti.

Ol 2016 jyly Grýzıanyń Batýmı qalasynda ótken «Delfın Fest» ánshiler festıvaliniń bas júldesin qanjyǵasyna baılady. 

Bir jyldan keıin, ıaǵnı 2017 jyly Italıada ótken San Remo Junior festıvalinde sımfonıalyq orkestrmen jandy daýysta án shyrqap, fınalıst atandy.

Dál sol jyly Vıtebsktegi  «Slaván bazarynda» ekinshi oryn ıegeri boldy.

2018 jyly balalar "Evrovıdenıesinde" fınalǵa shyqty. 

2019 jyly Reseıde ótken "Golos.Detı" baıqaýynyń ekinshi oryn ıegeri atandy.

Án aıtqannan bólek, ol fýtbol oınaǵandy jaqsy kóredi.  

Mádenıet jáne sport mınıstri Arystanbek Muhamedıulymen kezdesýinde "Nege tegiń Maksım?" degen suraqqa da jaýap berdi. Erjannyń aıtýynsha, onyń atasynyń aty Maqsym bolǵan. Alaıda qujatta Maksım bolyp jazylyp ketipti.

Oqı otyryńyz, ♦Erjan Maksım: Baıqaý ádil ótti, birinshi oryn almaǵanyma ókinbeımin

Usynǵan: Maqpal Sembaı