Aqtóbe qalasynda sal aýrýyna shaldyqqan múgedek jandarǵa arnap kotej qalashyǵy salynýy múmkin dep habarlaıdy Qamshy.kz aqparat agenttigi "Aqtóbe" arnasyna silteme jasap.

Bul týraly Úkimettik emes uıym ókilderiniń bas qosýynda aıtyldy. Qazir óńirde 26 myńǵa jýyq múgedek bar. Sal aýrýyna shaldyqqan azamattardy qoldaý ortalyǵyna kúnine 5-6 adam kómek surap keledi. Sondyqtan ortalyqpen tyǵyz baılanys ornatqan 15 úkimettik emes uıymnyń jumysyn jetildirý kózdelip otyr. Iaǵnı, múmkindigi shekteýli azamattar osyndaı uıymdardyń da kómegine júginýi tıis.

Bir qýanarlyǵy, sońǵy jyldary memlekettik-jekemenshik áriptestik aıasynda úlken jobalar qolǵa alynǵan. Alda múgedekterge arnalǵan kotej qalashyǵyn salý jospary bar.Bizdiń jańalyqtar barlyq jerde qoljetimdi.

"2012-2018 jyldardaǵy jospar boıynsha is-sharalar júzege asty. Endigi jumys jobasy 2025 jylǵa deıin júzege asady. Iaǵnı, barlyq múgedek azamattar - belgili bir qoǵamdyq birlestik múshesi. Memlekettik tarapynan bekitiletin josparmen tanys bolýy kerek tıanaqty túrde", - deıdi qalalyq Sal aýrýyna shaldyqqan azamattardy qoldaý ortalyǵy jetekshisiniń orynbasary Gúlmeıram Srajeva.

Mesenattardyń, qaltaly azamattardyń kómegimen turǵyzý josparlanǵan kotej qalashyǵy atalmysh dertke shaldyqqandarǵa qyzmet kórsetý sapasy men jyldamdyǵyn arttyrary sózsiz.

Usynǵan: Ádilet Mádenıet