Ýkraınanyń jańadan saılanǵan prezıdenti Vladımır Zelenskııdiń Qaýipsizdik jáne qorǵanys isteri jónindegi keńesshisi Ivan Aparshın Kıevtiń eshkim kútpegen jerlerge soqqy jasaýǵa daıar ekenin málimdedi. Bul týraly Qamshy.kz aqparat agenttigi RIA Novostı portalyna silteme jasap habarlaıdy.

Keńesshiniń sózine qulaq túrsek, Ýkraına NATO uıymyna kiremin degenshe jan-jaqtaǵy qańqý áńgimeler men qysymdarǵa jaýap qaıtaryp úlgeredi.

"Eger, sizderdiń anaý mısyz bastaryńyzǵa qandaı da bir jospar keletin bolsa, aıtpady demeńder, men ony taýyp, jaýap qaıtaratyn bolamyn. Jáne muny eshkim bilmeıtin jolmen jasaımyn", - dep eskertti Aparshın.

Keńesshi óziniń bul sózderi arqyly Ýkraınanyń áskerı kúshteriniń áleýetiniń artqanyn jetkizbek bolǵanyn aıtty. Sondaı-aq, memleket armıasyn qarýlandyrý jáne qarjylandyrý jaǵynan da jyldam damyp kele jatyr.

"Durysy – maǵan tıisýshi bolmańdar. NATO-ǵa kirý týraly sheshim qabyldandy jáne ol talqylanbaıdy", - dep túıdi sózin Aparshın.

Ótken aptada saıasatker Ýkraınanyń jańa "áskerı doktrınasyn" tanystyrǵan edi. Ol jerde armıanyń alánsqa múshe elderdiń barlyǵyna ortaq talaptarǵa saı jabdyqtalyp, áleýetiniń edáýir óskenin habarlaǵan.

Sondaı-aq, Aparshın armıany sońǵy tehnologıalarmen jasalǵan qarýmen tolyq jasaqtaǵysy keledi.

Aýdarǵan: Ádilet Mádenıet