Qaraǵandy oblystyq beıneleý óneri murajaıynda «Alǵashqy» atty erekshe kórme ashylmaq. Murajaı qyzmetkerleriniń aıtýynsha, kórmege qýǵyn-súrginge ushyrap, Qaraǵandy jerine taban tirep, osy jerde shyǵarmashylyqpen aınalysqan sýretshilerdiń týyndylary qoıylyp, el nazaryna usynylatyn bolady dep jazady Qamshy.kz aqparat agenttigi baq.kz saıtynyń deregin negizge alyp. 

26 cáýirden bastap Qaraǵandy turǵyndary men qala qonaqtary oblystyq beıneleý óneri murajaıynan taǵdyr taýqymetimen qýǵynǵa ushyrap, keıinnen shyǵarmashylyqqa bet burǵan qyl qalam sheberleriniń týyndylarymen tanysý múmkindigine ıe bolmaq.

«Bul kórme qaraǵandylyq alǵashqy sýretshilerge arnalǵan. «Alǵashqy» kórmesiniń ashylýy 26 cáýirge josparlanǵan. Osy kórme aıasynda «Qýǵyn-súrginge ushyraǵan ǵylym jáne mádenıet qaıratkerleriniń shyǵarmashylyq murasy» taqyrybynda dóńgelek ústel ótkiziledi», - deıdi mýzeı qyzmetkeri Nazerke Jartyn.

Onyń aıtýynsha, kórmeniń ashylý saltanatyna jáne dóńgelek ústel otyrysyna Qazaqstan jýrnalıser odaǵynyń alǵashqy laýreaty E.B. Kýznesova, qýǵyn-súrginge ushyraǵan sýretshilerdiń shyǵarmashylyǵy jaıly alǵash ret kórme uıymdastyrǵan, QR eńbek sińirgen mádenıet qaıratkeri G.I. Lavrenteva, ónertanýshy N.I. Ivanına, «Rýhanıat» ǵylymı-zertteý ortalyǵynyń dırektory, ónertanýshy, «Bolashaq» akademıasy «Karlag. Este saqtaımyz» ǵylymı-zertteý ortalyǵy, Qaraǵandy oblysy Qazaqstan halqy Assambleıasynyń ǵylymı-zertteý ortalyǵynyń múshesi A.Ý. Aýpenova qatyspaq. Sondaı-aq, sharaǵa Dolınka qýǵyn-súrginge ushyraǵandardy eske alý mýzeıiniń jáne Qaraǵandy oblystyq tarıhı-ólketaný mýzeıiniń ókilderi de atsalysady.

Usynǵan: Ásel Bolatqyzy