"Rýhanı jańǵyrý" aıasynda L.N. Gýmılev atyndaǵy Eýrazıa ulttyq ýnıversıtetinde Sáýlet-qúrylys fakúltetiniń uıymdastyrýymen halyqaralyq etnıkalyq shyǵarmashylyq kórme bolyp ótti.

Elbasynyń "Rýhanı jańǵyrý" baǵdarlamasyn júzege asyrý maqsatynda uıymdastyrylǵan kórmege oqý ornynyń basshylary, fakúltet dekany, profesor-oqytýshylar, jastar uıymdarynyń kóshbasshylary jáne óner jolyn qýǵan stýdent-jastar qatysty. 

Kórmeniń negizgi maqsaty – jastardyń shyǵarmashylyǵyn shyńdaý jáne olarǵa  qoldaý kórsetip, "Rýhanı jańǵyrý" baǵdarlamasyn júzege asyrýǵa belsene qatysýǵa shaqyrý. 

Kórmeniń saltanatty ashylý rásiminde  EUÝ Áleýmettik-mádenı damý jónindegi prorektor, fılologıa ǵylymdarynyń doktory, profesor, QR UǴA akademıgi  Dıhan Qamzabekuly sóz sóıledi. Ǵalym óz sózinde ýnıversıtettegi shyǵarmashyl jastardyń usynysy  qoldaý tapqanyn jáne búgingi kórme sonyń nátıjesi ekenin atap ótti. 

 Sondaı-aq Dıhan Qamzabekuly kórmege qatysýshylardy rektor Erlan Báttashulynyń atynan quttyqtaı kelip, búgingi sharanyń mańyzdylyǵyna toqtaldy. Búgingi kórme aıasyndaǵy áńgime EUÝ stýdentterine ǵana emes qazaqstandyq jastarǵa da rýhanı qundylyq retinde qosymsha serpin beretinin jetkizdi.

Sharaǵa jınalǵandar kórmeniń joǵary deńgeıde uıymdastyrylǵanyn ataı kelip, oǵan belsene atsalysqan profesor T.Óteshova, dosent K.Begimbaı, dosent mindetin atqarýshy J.Sadyqova, magıstr Z.Boztaıǵa erekshe rızashylyqtaryn bildirdi.

Usynǵan: Ádilet Mádenıet