Qazaqstan Respýblıkasy Tuńǵysh Prezıdentiniń bastamasymen osydan eki jyl buryn iske qosylǵan "Rýxanı jańǵyrý" memlekettik baǵdarlamasy aıasynda Qaraǵandy oblysynda 500-ge tarta joba júzege asqan. Bul jaıynda "Rýxanı jańǵyrý" jobalyq keńesiniń ókilderi málimdedi dep habarlaıdy Qamshy.kz aqparat agenttigi BAQ.KZ portalyna silteme jasap.

Elbasynyń "Bolashaqqa baǵdar: rýxanı jańǵyrý" maqalasynyń negizinde aımaqtarda jumys istegen baǵdarlama kóptegen jobalar men tyń ıdeıalarǵa bastaý berdi.

"Bul baǵdarlama jaıly bizdiń oblysymyzdyń shalǵaıdaǵy eldi mekenderiniń turǵyndary da xabardar. Eki jyl ishinde 500-ge tarta joba iske asyryldy. Onyń ishinde 16 jobany aımaqtyń bilim berý mekemeleri oılap tapty. Búgingi tańdaǵy basty maqsat – jobalardyń jumys istep turǵandyǵyn kórsetý", - deıdi "Rýxanı jańǵyrý" baǵdarlamasynyń bas menedjeri Serik Sanaýbaev.

"Rýxanı jańǵyrý" baǵdarlamasy sheńberinde oblystyń bilim ordalary qorshaǵan ortany saqtaý men ekologıany jaqsartý maqsatynda "Óz aǵashyńdy otyrǵyz", "Generaldar saıabaǵy" sıaqty jobalardy engizgen.

"Qaraǵandy memlekettik texnıkalyq ýnıversıteti atalǵan baǵdarlamany júzege asyrýǵa belsene atsalysady. Bıylǵy jyl Elbasynyń bastamasymen "Jastar jyly" dep jarıalandy. Bul jyl aıasynda da kóptegen sharalar atqarylýda", - deıdi QarMTÝ-dyń ǵylymı-zertteý ınstıtýtynyń dırektory Gúljan Kýdarynova. 

Usynǵan: Ádilet Mádenıet