1 mamyr – halqymyzdyń birligi kúni bolyp esepteledi. Qazaqtyń baıtaq dalasy búginde 130-dan artyq ult ókilderine ortaq otan bolyp tur.
Bul merekeniń maqsaty - el ishindegi túrli ult pen din ókilderiniń bir-birine degen syı-qurmetin arttyryp, tatýlyqty, birlikti, ortaq qundylyqtardy nasıhattaý.
«Birlik bolmaı tirlik bolmas». Ras! Berekeni kózdegen el merekeli tirlik jasaýdan jalyqpaǵan.. «Bereke bastaýy birlik, el ishi tatý tirlik» qaǵıdasyn ustanǵan el úshin bul meıramnyń orny erek.
Jyl saıyn ataýly merekede Qazaqstan aýmaǵynda turyp jatqan 130-dan astam ult pen ulys ókilderi kıeli qara shańyraqta tatý-tátti, bereke men birlikte, beıbitshilik pen yntymaqta ómir súrip jatqandyǵyn toılaıdy. Elimizdegi etnostardy burynǵydan da jaqyndastyrý úshin búkil Qazaqstanda jappaı patrıottyq sherýler ótedi.
Búginde «Dostyq» atty bir shańyraq astyna shoǵyrlanǵan árbir ulttyq-mádenı ortalyqtar merekede án aıtyp, bı bılep, jalpyhalyqtyq meıramda dástúr men saltqa toly túrli kórinister kórsetiledi. Halyqtyń kóńil-kúıin kóterý úshin túrli sporttyq jarystar uıymdastyrylady.
1995 jyldyń naýryzynda dúnıe júzine úlgi bolyp otyrǵan, ultaralyq tatýlyq pen turaqtylyqtyń fenomeni – Qazaqstan halyqtary Assambleıasy quryldy.
Bul eshbir elde bolmaǵan erekshe, saıası mańyzy zor qurylym. Assambleıa 365 múshesi, 471-den astam respýblıkalyq, óńirlik, oblystyq, qalalyq ulttyq-mádenı birlestikteri 500-ge jýyq kishi assambleıa músheleriniń bastaryn biriktirip, bizdiń ortaq úıimiz – Qazaqstanda shynaıy dostyqty qamtamasyz etip keledi. Búginde árbir ultqa salt-dástúrlerin jańǵyrtýǵa, mádenıeti men ádebıetin damytýǵa, tiliniń jetilýine qamqorlyq kórsetilýde.
Qazaqstannyń saıası júıesinde mańyzdy tutqa bolyp tabylatyn Assambleıa búgingi tańda barlyq etnostardyń múddesin ortaq qazaqstandyq múddege aınaldyrýdy, ulttyq erekshelikterine qaramastan barlyq azamattardyń quqyǵy men erkindigin saqtaýdy qamtamasyz etetin qoǵamdyq ınstıtýt retinde tolyǵymen qalyptasty.
Qazaqstanda turatyn barlyq ulttar men etnostar qalyptastyrǵan el birligi men turaqtylyqty saqtaýǵa baǵyttalǵan qazirgi mol tájirıbe etnos aralyq problemalardy sheshýdiń álemdik tájirıbesine enýde.
Qazaqstannyń birligi kúni barlyq balabaqshalardan bastap, mektep, ýnıversıtetterde, kolejder men JSHS, jekemenshiktegi kásiporyndar men memlekettik uıymdarda aıtarlyqtaı atap ótiledi. Maqsaty – Qazaqstan halqynyń birligin nyǵaıtý, jastardy dostyq pen yntymaqtastyqta ómir súrýge tárbıeleý.
Táýelsiz Qazaqstanda meıram 1996 jyldan bastap toılanady. 1 mamyrdy Qazaqstan halqynyń birligi kúni dep jarıalaý týraly buıryqqa Qazaqstan Prezıdenti Nursultan Nazarbaev 1995 jyldyń 18 qazanynda qol qoıyp, Eńbekshiler kúnin toılaýdan bas tartty. Bul kúni Qazaqstan Respýblıkasynda turatyn halyqtardy birlikke, yntymaqqa uıytatyn merekelik sharalar ótkiziledi. Qazaqstan — kóp ultty memleket. Elde 150-den astam ult pen ulys ókilderi bir týdyń astynda tatý-tátti ǵumyr keshýde. Qazaqstan halqynyń birligi kúni qalaı atap ótiledi? Án aıtylyp, bı bılenedi.
Birligimiz jarasyp, elimiz tynysh bolyp, ult demeı, basqa demeı tatýlyqta, beıbit ómirde kún kesheıik, dostar! 1 mamyr qutty bolsyn!
Jınaqtap, usynǵan: Maqpal Sembaı
