Urpaq tárbıesi –ult bolashaǵy. Tarazda "Rýhanı jańǵyrý" baǵdarlamasy aıasynda "Ulttyq jańǵyrý - týǵan jer tutastyǵy men el bolashaǵynyń negizi" taqyrybynda semınar ótti. Semınarǵa ǵalym pedagogtar men ustazdar jáne tárbıeshiler qatysty. Onda óskeleń urpaq boıyna patrıotızmdi sińirý, týǵan ólkeniń qundylyqtaryn dáripteý baǵyty qamtylǵan dep habarlaıdy Qamshy.kz aqparat agenttigi Taraz arnasyna silteme jasap.
Pedagogtar arasynda ótken semınar tájirıbe almasýdy kózdeıdi. "Týǵan jer" baǵdarlamasy boıynsha mektep jasyna deıingi balalardyń rýhanı tanymyn qalyptastyrý. "Aısáýle" bóbekjaıynda 2013-2017 jyldary ǵylymı ekspermımenttik "Ólketaný" jobasy júrgizilgen bolatyn. Endi mine, sol jobanyń negizinde munda túrli baıqaýlar, tájirıbelik sabaqtar úzbeı ótkizilip keledi.
"Semınarda jıyrmadan astam mektepke deıingi bilim mekemeleriniń basshylary qatysyp joaǵry bilikti mamandarmen tájirıbe almasty. bala tárbıesiniń jańa formaty praktıkalyq turǵyda taldandy. Baldyrǵandar "Aısha bıbi" sahnalyq qoıylymyn tamasha somdap, "Otan ANA", "Kóktem" kompozısıalaryn erkin oınap shyqty. Osyndaı san qyrly sabaqtar arqyly "Máńgilik el" urpaǵynyń rýhanı bolmysyn qalyptastyrý basty mindetimiz- deıdi, uıymdastyrýshylar", - deıdi TarMÝ dosenti Yrysty Kerimbaeva.
"Semınar barysynda ustazdar balamen jumys jasaýdyń tyń tásilderin usyndy. Ádet-ǵuryp, mádenı dástúrlerdi berik saqtaı otyryp, "kıiz basý" tehnologıasyn kórsetti. Endi, pedagogtar ulttyq tárbıe berýdiń zamanaýı úrdisterin ári qaraı damytýǵa nıettti", - deıdi bóbekjaı meńgerýshisi Nurzada Mambetova.
Usynǵan: Ádilet Mádenıet
