Túrkistan oblysynyń ákimi Ómirzaq Shókeev jumys saparymen Shardara aýdanyna bardy dep jazady Qamshy.kz aqparat agenttigi Túrkistan ákimdiginiń baspasóz qyzmetiniń deregin negizge alyp. Onda eń aldymen Jaýshyqum aýyl okrýgindegi «Turar» sharýa qojalyǵynyń jumysymen tanysty. 2012 jyly jumysyn bastaǵan qojalyq búginde 95 gektar jerdi ıgerip, pıaz (35ga), maqta (45 ga), baqsha (20 ga) daqyldaryn egýmen aınalysady. Seriktestikte 20 adam jumyspen qamtylǵan.
Sharýa qojalyǵynyń jumysymen tanysqan oblys ákimi ónim kólemin arttyrýda jańa tehnologıalardyń jetistigin baıandady.
«Egin sharýashylyǵynda ónimdi arttyrýdyń birden bir tásili – tamshylatyp sýǵarý tehnologıasyn paıdalaný. Sýdy da únemdeý arqyly mol ónim alýǵa bolady. Sondaı-aq, usaq sharýa qojalyqtaryn biriktirip, kooperatıvtendirý qolǵa alý kerek. Bul eń aldymen sharýalar úshin tıimdi. Sonymen qatar, ıgerilmeı jatqan jerler qatań baqylaýda bolýy tıis. Agrarlyq óńir retinde óz múmkindikterimizdi paıdalanýymyz qajet», - dedi Ómirzaq Estaıuly.
Sapar aıasynda oblys ákimi Shardara qalasyndaǵy №4 móltek aýdanynyń ınjenerlik komýnıkasıalarmen qamtamasyz etý jumysymen tanysty. Budan ózge, «Shardara sý elektr stansasynyń» AQ qaıta jańǵyrtý jumystaryn baqylady. 1968 jyly iske qosylǵan stansa 1998 jyly «Shardara GES» AQ bolyp qaıta qurylǵan. Qazirgi tańda onda 160-qa jýyq jumys isteıdi. Búginde stansa 50 mVt qýat kózin óndirip kelse, qaıta jańǵyrtýdan keıin 1 agregattyń qosylý esebinen 57 mVt qýat kózin óndirýde. Barlyq 4 agregat qosylsa, elektr qýatyn óndirý 126 mVt-qa artatyn bolady.
Budan keıin aımaq basshysy Shardara sý qoımasy bógetinde Sútkent aýylyndaǵy Syrdarıa ózeniniń arna baǵyttaý bógetiniń jumysymen tanysty. Bógettiń kólemi - 5200 mln. m3. Sý ótkizý múmkindigi – 200 m3/sekýnd. Sý qoımasynyń paıdalaný maqsaty - ırrıgasıa, energetıka jáne Syrdarıa ózeniniń orta aǵysyndaǵy sý tasqyndaryn aldyn alý.
Sondaı-aq, Ómirzaq Estaıuly aýdandaǵy "Hamıt" aýylsharýashylyq óndiristik kooperatıviniń balyq óńdeý zaýytyna aıaldady. 2007 jyly qurylǵan óndiris orny búginde 250 adamdy turaqty jumyspen qamtyp otyr. Zaýytqa qajetti shıkizat Shardara sý qoımasynan, Atyraý men Araldan tasymaldanyp, qaıta óńdelýde. Shyǵarylatyn ónim eksportqa Eýropa elderine baǵyttalǵan. Jylyna 2500 tonna balyq ónimderin óndiredi.
Saparda óńir basshysy Shardara qalasynda týrızmdi damytý baǵytynda atqarylyp jatqan jumystarmen tanysty. Aımaq týrızmin damytýda týrıserdi qajetti demalys aımaqtaryn kóbeıtip, qyzmet kórsetý sapasyn arttyrý qajettigin tapsyrdy.
Usynǵan: Ásel Bolatqyzy
Pikir qaldyrý