«Ralf ınternetke qarsy»/«Ralf protıv ınterneta» Blu-ray dıskilerine shyǵaryldy dep jazady Qamshy.kz aqparat agenttigi. Bul qazaq tiline dýblájdanǵan 26-shy kartına boldy. Qazaqstandaǵy premerasy 2018 jyly, qarasha aıynyń 22-shi juldyzynda ótti. Disney stýdıasymen shyǵarylǵan.

Esterińizge sala keteıik, basty róldegi «Vanılopa Von Keks» keıipkerin dybystaýǵa qazaqstandyq 8 aktrısa, «Shenk» róline  — 5 jáne «Iess» róline — 3  aktrısa  synalyp kórdi. Erler partıasyna kastıngke: «Ralf» — 6 jáne «Spamlı» — 10 akter qatysty. Fılmge Qazaqstannyń tórt qalasynan: Astana, Almaty, Oral jáne Qaraǵandydan shamamen 50 adam qatysty. Sondaı-aq kartınaǵa QazUÓÝ stýdentteri jáne «Balapan» telearnasynyń jas akterleri synnan ótti.

Nátıjesinde Disney stýdıasy dýblájdyń negizgi daýystaryn bekitti:  Jánibek Musaev («Ralf»), Inabat Ábenova («Vanılopa Fon Keks»), Oljas Jaqypbek («Master Felıks»), Altynaı Nogerbek («Serjant Kalhýn»), Aıman Esenqyzy («Iess»), Saıa Toqmanǵalıeva («Shenk»).

«Ralf ınternetke qarsy» kartınasynyń dybystaýynda rejıser Shah-Murat Ordabaev, aýdarmashy Ásel Mamyrova, mátin óńdeýshileri Gúljan Saýyrtaeva jáne Shah-Murat Ordabaev jumys atqardy.

Joba «Bolashaq» korporatıvtik qorynyń bastamasymen júzege asyryldy.

Seriktester: «Meloman» kompanıasy, «Aray Media Group». Dýbláj demeýshisi: «Bazis Construction» JSHS (BAZIS-A).

Usynǵan: Ásel Bolatqyzy