Reseıdiń Syrtqy barlaý qyzmetiniń burynǵy basshysy Vácheslav Trýbnıkov adamzat balasyna tónip kele jatqan eń úlken qaýip ekogologıalyq problemalarmen baılanysty ekenin aıtty dep habarlaıdy Qamshy.kz aqparat agenttigi. Ol bul týraly RIA Novostı saıtyna bergen suhbatynda aıtqan bolatyn.

Trýbnıkovtyń sózinshe, jer betindegi órkenıetterdiń joıylyp ketýine ıadrolyq qarýlardyń emes, ekologıalyq apattardyń  qaýpi joǵary. Sebebi, ıadrolyq qarýlardan keletin zardaptardy adam óz qolymen zalalsyzdandyrýǵa múmkindigi bar. Al, ekologıalyq apattardyń aldynda qaýqarsyz.

"Eger biz tek búgingi tóngen qaýip-qaterlerden qorqa beretin bolsaq, biz adamzattyń joıylyp ketýine alyp keletin eń úlken qaýipti eleýsiz qaldyramyz. Qorshaǵan orta adam ómir súrýine múldem qolaısyz deńgeıge jetýi múmkin. Bul meniń barlaýshy retindegi pikirim",- dep aǵynan jaryldy Trýbnıkov.

Esterińizge sala ketsek, Vácheslav Trýbnıkov 1996-2000 jyldar aralyǵynda Reseıdiń Syrtqy barlaý qyzmetiniń basshysy, keıinnen dıplomatıalyq salada Reseıdiń Úndistandaǵy Tótenshe jáne Ókiletti elshisi qyzmetterin atqarǵan.

Aýdarǵan: Dáýren Sybanbaı